Электр таъминоти ва электр тармоšлари

ВЛ симларидан ер усти ва қуруқликдаги қувурлар ва осма йўлларгача бўлган энг қисқа масофалари

Кесишма ёки яқинлашиш	Энг кичик масофа, м, ВЛ кучланиши, кВ
	20 гача	35-110	220	500
Вертикал масофалар:
ВЛ симидан қувурнинг ёки осма йўлнинг ихтиёрий қисмигача, нормал режимда	3	4	5	6,5
ҳудди шу нарса, лекин қўшни оралиқда сим узилганда	1	2	3	-
Горизонтал масофалар:
1) параллел равишда:
ВЛ симидан қувурнинг ёки осма йўлнинг ихтиёрий қисмигача (пульп қувурлар, магистрал газ қувурлари, нефт қувурлари ва нефт маҳсулотлари қувурлари бундан мустасно), нормал режимда	Таянч баландлигидан кам эмас
ВЛ четки симидан пульп қувури (пульпопровод)нинг ихтиёрий қисмигача, нормал режимда	Камида 30 м
ВЛ четки симидан магистрал газ қувурининг ихтиёрий қисмигача, нормал режимда	Таянч баландлигидан камида икки баробар
ВЛ четки симидан асосий нефт қувурлари ва нефт маҳсулотлари ихтиёрий қисмигача, нормал режимда	50 м, лекин таянч баландлигидан кам эмас
Тор жойларда симлари энг кўп оғган ҳолатдаги ВЛ симларидан қувур*нинг ёки осма йўлнинг ихтиёрий қисмигача	3	4	5	6,5
2) кесишганда:
ВЛ таянчидан қувурнинг ёки осма йўлнинг ихтиёрий қисмигача	Таянч баландлигидан кам эмас
Тор жойларда ВЛ таянчидан қувурнинг ёки осма йўлнинг ихтиёрий қисмигача	3	4	5	6,5
3) ВЛ дан газ қувурини тозалаш қисми (продувочная свеча)	Камида 300 м
* ВЛ билан яқинлашиш ҳудудида янги қурилаётган магистрал газ қувурлари тор шароитларда камида II тоифадаги газ қувурларига қўйилган талабларга жавоб бериши лозим.

Номал режимда вертикал масофалар симларни электр токи таъсирида қизишини ҳисобга олмаган ҳолда симнинг энг катта ослиши билан аниқланади.
Аварияли режимда вертикал масофалар, кесими 185 мм² дан кам бўлган ВЛ симлари учун музлаш ва шамолсиз ўртача йиллик ҳарорат бўйича текширилади. Кесими 185 мм² ёки ундан ортиқ бўлган симли ВЛда аварияли режим учун масофани текшириш талаб қилинмайди.
2.5.165. ВЛ билан кесишишда металл қувурлар, осма кўприклар, шунингдек, тўсиқлар, кўприкчалар ва тўрлар ерланган бўлиши керак. Сунъий ерлагичлардан фойдаланилганда, уларнинг қаршилиги 10 Ом дан ошмаслиги керак.

ВЛ нинг ер ости қувурлари билан кесишиши ва яқинлашиши

2.5.166. 35 кВ ва ундан паст кучланишли ВЛ да ер ости магистрал газ қувурлари, нефт қувурлари ва нефт маҳсулотлари қувурлари билан кесишиш бурчаги, шунингдек, ВЛ нинг бошқа ер ости қувурлари билан кесишиш бурчаги ҳам меъёрлаштирилмайди.

110 кВ ва ундан юқори ВЛ билан янги қурилган ер ости магистрал газ қувурлари, нефт қувурлари ва нефт маҳсулотлари қувурлари, шунингдек, ушбу қувурларнинг амалдаги теxник коридорлари орасидаги кесишиш бурчаги камида 60⁰ бўлиши керак.
2.5.167. ВЛни амалдаги ва янги қурилган 1,2 МПа дан ортиқ босим остидаги магистрал газ қувурлари ва магистрал нефт қувурлари ва нефт маҳсулотлари қувурлари билан яқинлашишларида, улар орасидаги масофалар ушбу қоидаларнинг 2.5.102-бандида кўрсатилган қийматлардан кам бўлмаслиги керак.
ВЛ симлари магистрал газ қувурларининг газ қувурини тозалаш қисми (продувочная свеча)дан 300 м дан яқин бўлмаслиги керак.
Тор жойларда ВЛ параллел бўлганда, шунингдек, кўрсатилган қувурлар билан ВЛни кесишган жойларида, ВЛ таянчининг ер остидаги қисмидан ва ерлагичидан қувурларгача бўлган горизонтал масофалар камида қуйидагича бўлиши керак: 35 кВгача ВЛ учун 5 м; 110-220 кВ ВЛ учун 10 м; 500 кВ ВЛ учун 15 м.
Янги қурилган 1,2 МПа дан ортиқ босим остидаги магистрал газ қувурлари ВЛ билан яқинлашиш участкаларида, уларни ушбу қоидаларнинг 2.5.102-бандда кўрсатилган масофалардан кам масофада жойлаштирилганда, улар 500 кВ ВЛ учун камида II тоифадаги газ қувури участкалари ва 220 кВ ва ундан паст кучланишли ВЛ учун камида III тоифадаги газ қувури участкалари учун белгиланган талабларга жавоб бериши лозим.
Янги қурилган магистрал нефт ва нефт маҳсулотлари қувурларини ВЛ билан яқинлашиш участкаларида, уларни ушбу қоидаларнинг 2.5.102-бандда кўрсатилган масофалардан кам масофада жойлаштирилганда, камида III тоифадаги қувур участкалари учун белгиланган талабларга жавоб бериши лозим.
2.5.168. ВЛни 1,2 МПа ва ундан кам босимли магистрал ва тақсимлаш газ қувлари билан кесишмалари ва яқинлашишлари, шунингдек, магистрал қувурлардан аҳоли пунктларигача ва саноат корxоналаригача бўлган шаҳобчалари билан кесишиши ва яқинлашиши, нефт базалари ва корхоналаригача магистрал нефт қувурларини ва нефт маҳсулотлари қувурларини шаҳобчалари билан кесишмалари ва яқинлашишларида, ВЛ таянчи ер ости қисмии (фундамент) ва ерлагичидан қувурларгача бўлган масофа қуйидагилардан кам бўлмаслиги лозим: 35 кВгача ВЛ учун 5 м; 110 кВ ва ундан юқори ВЛ учун 10 м.
2.5.169. ВЛни иссиқлик қувурлари, сув қувурлари, канализация (босимли ва ўзи оқар) оқава сув қувурлари ва дренажлар билан кесишмалари ва яқинлашишларида, ВЛ таянчи ер ости қисмии (фундамент) ва ерлагичидан қувурларгача бўлган масофа қуйидагилардан кам бўлмаслиги лозим: 35 кВгача ВЛ учун 2 м; 110 кВ ва ундан юқори ВЛ учун 3 м.
Истисно ҳолларда, агар қувурлар билан белгиланган масофаларни сақлаш имкони бўлмаса (масалан, электр станциялари, саноат корxоналари, шаҳарлар кўчалари бўйлаб ВЛ ўтиши билан), ушбу масофаларни манфаатдор ташкилотлар билан келишилган ҳолда камайтирилиши мумкин. Бунда ушбу қувурларга шикастланганда, шунингдек, металл қувурлар орқали xавфли потенциаллардан олдини олиш учун ВЛ таянчларининг асосларини имкон қадар ювилишидан ҳимоя қилиш керак.