Электр таъминоти ва электр тармоšлари

Ўтказгичлар кесим юзасини қизиш бўйича танлаш.

1.3.2. Турли мақсадга мўлжалланган ўтказгичлар рухсат этилган юқори қизиш чегараси талабларини, фақатгина нормал иш ҳолати учунгина эмас, балки авариядан кейинги режимлар, шунингдек таъмирлаш пайтидаги, линиялар, шиналар секциялари орасида токларни нотекис тақсимланишида ҳосил бўлиши мумкин бўлган бошқа режимлар учун ҳам қондириши керак. Қизиш бўйича текширишда токнинг ярим соатлик максимуми, яъни тармоқнинг ушбу элементи ўртача ярим соатлик токларини энг каттаси қабул қилинади.

1.3.3. Электр қабул қилгичларнинг такрорий-қисқа ва қисқа муддатли ишлаш режимларида (циклнинг умумий давомийлиги 10 дақиқагача бўлганида ва ишлаш даври давомийлиги 4 дақиқадан ортмаганида) ўтказгичларнинг кесим юзасини қизиш бўйича текшириш учун ҳисобланган ток сифатида узоқ муддатли режимга келтирилган ток қабул қилиниши керак. Бунда:
1) кесим юзаси мис ўтказгичлар учун 6 мм² гача, алюминий ўтказгичлар учун эса
10 мм² гача бўлганда, ток узоқ муддатли иш режимидаги қурилмалар учун каби қабул қилинади;
2) кесим юзаси мис ўтказгичлар учун 6 мм² дан катта, алюминий ўтказгичлар учун эса 10 мм² дан катта бўлганда, ток узоқ муддат рухсат этилган токни коэффициентга кўпайтириш билан аниқланади. Бу ерда Т_у.д. – нисбий бирликда ифодаланган иш даврининг давомийлиги (цикл давомийлигига нисбатан уланиш давомийлиги).
1.3.4. Уланиш муддати 4 дақиқадан ошмаган ва уланишлар орасидаги танаффуслар ўтказгичларни атроф-муҳит ҳароратигача совуши учун етарли бўлган қисқа муддатли режим учун рухсат этилган энг катта токлар такрорий-қисқа муддатли режим меъёрлари бўйича аниқланиши лозим (1.3.3.-бандга қаранг). Уланиш давомийлиги 4 дақиқадан ортиқ бўлса, шунингдек уланишлар орасидаги танаффуслар давомийлиги етарли бўлмаса, энг катта рухсат этилган токлар, ҳудди иш режими узоқ муддатли қурилмалар каби аниқланиши лозим.
1.3.5. Кучланиши 10 кВ гача бўлган мой сингдирилган қоғоз изоляцияли, номинал қийматдан кам юклама билан ишлайдиган кабелларни 1.3.1- жадвалда (мазкур Қоидаларнинг 1- иловаси) кўрсатилган қисқа муддатли ўта юкланишига рухсат этилади.
1.3.6. Авариядан кейинги режимни бартараф этиш даврида, максимал юкланишлар вақтида, 5 сутка давомида, суткасига 6 соатгача полиэтилен изоляцияли кабеллар учун номиналдан 10% гача ўта юкланишга ва поливинилхлорид изоляцияли кабеллар учун эса номиналдан 15% гача ўта юкланишга рухсат этилади, агар сутканинг қолган вақтида юклама номинал қийматдан ошмаса.
Авариядан кейинги режимни бартараф этиш даврида қоғоз изоляцияли, кучланиши 10 кВ гача бўлган кабеллар учун 5 сутка давомида 1.3.2- жадвалда (мазкур Қоидаларнинг 1- иловаси) кўрсатилган чегараларда ўта юкланиш рухсат этилади.
15 йилдан ортиқ эксплуатацияда бўлган кабель линиялари учун ўта юкланиш 10% га камайтирилиши керак.
Кучланиши 20-35 кВ бўлган кабель линияларини ўта юкланишига рухсат этилмайди.
1.3.7. Нормал юкланишларга ва авариядан кейинги ўта юкланишларга бўлган талаблар кабелларга ва уларда ўрнатилган уловчи ва тугаловчи муфталарга ва тугаловчи бекитгичларга тегишлидир.
1.3.8. Уч фазали токнинг тўрт симли тизимдаги ноль ишчи ўтказгичларнинг ўтказувчанлиги фаза ўтказгичларининг ўтказувчанлигининг 50% идан кам бўлмаган ўтказувчанликка эга бўлишлари керак; керак бўлган ҳолларда унинг ўтказувчанлиги фаза ўтказгичлари ўтказувчанлигининг 100% игача кўтарилиши керак.
1.3.9. Кабеллар, изоляцияланган ва изоляцияланмаган симлар ва шиналар, шунингдек ҳарорати мазкур Қоидаларнинг 1.3.12 – 1.3.15 ва 1.3.22- бандларида келтирилган ҳароратдан жиддий равишда фарқ қиладиган муҳитда ўтқазилган қаттиқ ва эгилувчан ток ўтказгичлар учун рухсат этилган узоқ муддатли токларни аниқлашда 1.3.3 - жадвалда (мазкур Қоидаларнинг 1-иловаси) келтирилган коэффициентлар қўлланиши лозим.