Электр таъминоти ва электр тармоšлари

Ўлчанган қийматлар 1.8.19-жадвалнинг 4-7-бандларига мувофиқ бўлиши керак.

8. Ўчиргичларни кўп марта ишлатиб кўриш билан синаш.
Электромагнитларнинг чиқирмаларидаги кучланиш номинал бўлганда, ўчиргич бажариши лозим бўлган, мураккаб цикллар ва операциялар сони:
- 3-5 марта улаш ва ўчириш операциялари;
- операциялар ораси вақт сақламасисиз У-Ўнинг 2-3 цикли бўлиши керак.
9. Тепловизион назорат.
Назорат вақтида ўчиргичнинг ток ўтказувчи контурини контактли бирикмаларини ва контактларини қизиши бахоланади. Тепловизион назорат ишлаб чиқарувчи завод кўрсатмаларига мувофиқ амалга оширилади.
Юклама ўчиргичлари

1.8.22. Тўлиқ йиғилган ва созланган юклама ўчиргичи Қоидаларнинг мазкур бандида кўрсатилган ҳажмда синовдан ўтказилади.

1. Иккиламчи занжир ва бошқарув электромагнитлари чулғамлари изоляциясининг қаршилигини ўлчаш. Мазкур Қоидаларнинг 1.8.36–бандига мувофиқ амалга оширилади.
2. Саноат частотасидаги юқори кучланиши билан синаш:
а) юклама ўчиргичи изоляциясини. 1.8.14–жадвалга (мазкур Қоидаларга 4-илова) мувофиқ амалга оширилади.
б) иккиламчи занжирлар ва бошқарув электромагнитлари чулғамларининг изоляциясини. Мазкур Қоидаларнинг 1.8.36-бандига мувофиқ амалга оширилади.
3. Ўзгармас токга қаршилигини ўлчаш:
а) учиргич контактларини. Қутбнинг ток ўтказувчи тизими ва ҳар жуфт ишчи контактларнинг қаршилигини ўлчаш амалга оширилади. Қаршилик қиймати ишлаб чиқарган завод берган қийматларга мос келиши керак;
б) бошқарув электромагнитларининг чулғамларини. Қаршилик қиймати ишлаб чиқарган завод берган қийматларга мос келиши шарт.
4. Эркин ажралиш механизмининг таъсирини текшириш. Эркин ажралиш механизмининг ишлаши мазкур Қоидаларнинг 1.8.18–бандини 9-кичик бандига мувофиқ текширилади.
5. Пасайтирилган кучланишда юритманинг ишлаб кетишини текшириш. Мазкур Қоидаларнинг 1.8.18 – бандини 10-кичик бандига мувофиқ амалга оширилади.
6. Юклама учиргичини кўп марта ишлатиб кўриб синаш. Мазкур Қоидаларнинг 1.8.18–банди 11-кичик бандига мувофиқ амалга оширилади.
7. Сақлагичларни синаш. Мазкур Қоидаларнинг 1.8.32–бандига мувофиқ амалга оширилади.