Elektr stansiyalari va issiqlik tarmoqlarining issiqlik mexanika uskunalarini ekspluatatsiya qilishda xavfsizlik texnikasi qoidalarini tasdiqlash haqida

Rezervuarlarda va yerosti inshootlarida ko‘proq uchraydigan portlash xavfi
bo‘lgan va zararli gazlarning tavsiflari
Yerosti inshootlarida ko‘pincha quyidagi portlash xavfi bo‘lgan va zararli gazlar
aniqlanadi: metan, propan, butan, propilen, butilen, karbonat oksidi, karbonat agidrid
gazi, oltingugurt vodorodi va ammiak.
Metan SN (botqoq gazi) — rangsiz, yonuvchi, hidsiz gaz, havodan yengil. Yerosti
inshootlariga tuproqdan sizib chiqadi. O‘simlik moddalari havosizlikdan asta-sekin
chiriganda quyidagicha hosil bo‘ladi: to‘qimalar suv ostida chiriganda (botqoqlarda,
oqmaydigan suvlarda, hovuzlarda) yoki tosh ko‘mir qatlamlarida o‘simliklarning
qoldiqlari chiriganda. Metan sanoat gazining tarkibiy qismi bo‘lib, gaz quvurlari nosoz
bo‘lganda yerosti inshootlariga sizib kirishi mumkin, U zaharli emas, biroq uning bo‘lishi
havo tarkibidagi kislorod miqdorini kamaytiradi, bu esa ushbu inshootlarda
ishlayotganda bir maromda nafas olishning buzilishiga olib keladi Havoda tarkibida
uning hajmi bo‘yicha 5 — 15 foiz metan bo‘lsa, portlash xavfiga ega bo‘lgan aralashma
hosil bo‘ladi.
Himoya vositasi — PSh-1, PSh-2 shlangli gaz niqoblari.