Elektr energiyasi va nasos stantsiyalaridan foydalanish kafedrasi "tasdiqlayman"

8.1.1 Suv sathining koʻtarilib-tushish energiyasi.
Suv sathining koʻtarilib-tushish energiyasidan foydalanish uchun, suv sathi
koʻtarilgan vaqtda dengiz havzasining biror kichraygan joyi (qoʻltiq-suv havzasi)
bekitiladi (70-rasm). Suv qaytgan vaqtda dengiz va ajratilgan suv havzasi sathlari
orasida ma’lum kattalikda bosim hosil boʻladi.





70-rasm. Okean va dengizlar sathining koʻtarilib-tushish energiyasidan foydalanish sxemasi:
a- boʻylama kesimi; b- plani.

Hosil boʻlgan bosim ostida har xil gidroturbinalarni ishlatib

elektroenergiya olish mumkin boʻladi. Dengiz sathining ikkinchi koʻtarilishida
esa, ajratilgan suv havzasidagi suv sathidan dengiz suv sathi baland boʻladi.
Natijada yana ma’lum balandlikda bosim hosil boʻlib, gidroturbi- nalarni ishlashi uchun sharoit yaratiladi.
Bosimni kamayib ketishi natijasida elektrostansiyaning toʻxtab qolishi va boshqa sabalarga koʻra, potensial energiyaning faqatgina 1†3 qismidangina foydalaniladi. Suv sathining koʻtarilib tushish elektrostansiyalari qurishga qulay boʻlgan joylar juda kam. Bunday elektrostansiyalar samaradorligini oshirish uchun ikki, uch va undan koʻproq xavzali, odatdagi turbina oʻrniga ikki mashinali nasos turbinalar qoʻllaniladi.