Электр энергияси поездларни тортиш учун қўлланган илк тажрибаларда энергия манбаи ва электр двигатель ҳаракатланувчи бирликда жойлашар эди

Эгилувчан тўсиқлар электрлаштирилган йўллар устида жойлашиб, бир неча йўлнинг контакт осмаларини маҳкамлаш учун мўлжалланган трослар тизимидан иборатдир. Эгилувчан тўсиқларнинг барча трослари ўзлари маҳкамланган таянчлардан изоляцияланган бўлиши мумкин ва бу ҳолда ушбу тўсин изоляцияланган деб аталади. Изоляторлар фақат қуйи асосий ушлаб турувчи тросга ўрнатилса, унда бу тўсин изоляцияланмаган деб номланади. Эгилувчан тўсин изоляцияланган бўлса, контакт осмалари ва эгилучан тўсиннинг барча детал ва қисмларини кучланишни ўчирмай туриб ҳам кўздан кечириш ва уларга хизмат кўрсатиш мумкин. Шу сабабли асосан изоляцияланган эгилувчан темир тўсинлар монтаж қилинади (ўрнатилади) (78-расм).

78–расм. Узгарувчан токнинг компенсацияланган осмалари учун изаляцияланган эгувчан тўсиқ:
1–таянч; 2–кўндаланг ушлаб турувчи трослар; 3–юкоридаги фиксациялашувчи трос; 4–пастги фиксациялашувчи трос; 5–фиксатор; 6–эгувчанли осилма; 7–эгувчан тўсиқнинг тор; 8–нейтрал киргизма; 9–электр улаштирувчи

Эгилувчан тўсиннинг кўндаланг ушлаб турувчи деб номланадиган юқори трослари бир мунча кўпроқ осилма билан (катта стрелали) (тўсин таянчлари орасидаги масофадан кам бўлмаган ҳолда) монтаж қилиниб, бу контакт осмаларининг ҳарорат ўзгаришидаги вертикал кўчишлари сезилмас бўлиши мақсадида амалга оширилади. Мазкур трослар контакт осмалари симлари ҳамда эгилувчан тўсиннинг ўз массаси вазнини кўтариб турадилар.

Кўндаланг ушлаб тушувчи трослардан қуйироқда маҳкамлайдиган юқориги ва қуйи трослар ўрнатилиб, улар контакт осмаси симларининг шамол таъсирида ёки сим йўналиши ўзгариши (эгри участкалар, ҳаво стрелкаларида) оқибатида горизонтал силжишига йўл қўймайди.
Эгилувчан тўсинлар икки ёки тўртта биметалл (пўлат-мис, пўлат-алюмин), кесими 70 ёки 95 мм² га тенг симдан иборат бўлган кўндаланг юк тушувчи трослари билан бирга ишланади. Фиксация этувчи трос сифатида эса 50 ёки 70 мм² кесимли биметалл симлар қўлланади.
Пастки фиксация этувчи тросда таянчлар олдида нейтрал киритмалар (85-расмга қар.) ўрнатилиб, улар электр улагичлар 9 ёрдамида юқори қайд этувчи трос билан уланган. Бу контакт тармоғи кучланишини ўчирмай туриб, барча изоляторларни кўздан кечириш ва тозалаш имконини беради.