Электр энергетикада назорат қилиш бўйича давлат инспекцияси ва Ўзбекистон

§10. Иш тўлиқ бажарилганидан сўнг электр қурилмани улаш

100. Электр қурилмани иш жойини тайёрлашга ва ишлашга рухсат берган ёки унинг ўрнини алмаштирган шахснинг рухсати (фармойиши) билан тармоққа улаш мумкин.

Электр қурилмани улаб ишга тушириш ҳақидаги рухсатни (фармойишни) фақат ушбу электр қурилмада ишлашга рухсат берилган ва иш жойини тайёрлашга ва ишлашга рухсат берилган ишбоши ва ишлашга рухсат берувчиларнинг барчасидан ишни тўлиқ бажарилганлиги, 96 банд талаблари бажарилганлиги ва электр қурилмани улаш имкони борлиги тўғрисидаги хабар олингандан сўнггина бериш мумкин.
101. Ҳамма иш тугугандан сўнг электр қурилмани тармоққа улашга рухсат (фармойиш) олган навбатчидан ёки тезкор таъмирлаш ходимидан тайинланган шахс ушбу электр қурилмани электр тармоққа улашдан олдин, навбатчи ёки тезкор таъмирлаш ходими қўйган вақтинчалик тўсиқ, плакатлар, ерга улагичларни олиб, доимий тўсиқни тиклаши керак.
102. Тезкор таъмирлаш ходимидан тайинланган ишга рухсат берувчи шахсга электр қурилмада бажарилаётган иш тугагандан сўнг, иш жойини тайёрлашга ва ишлашга рухсат этган ёки уни ўрнини алмаштирган ходим рухсатини (фармойишини) олмасдан электр қурилмани электр тармоққа улаш ҳуқуқи берилиши мумкин.
Электр қурилмани бундай улашга ҳуқуқ берилиши наряднинг «Алоҳида кўрсатмалар» сатрида ёзилган бўлиши ва ишлашга рухсат берувчига иш жойини тайёрлашга ва ишлашга рухсат этиш вақтида тасдиқланиши керак. Бундай тасдиқ нарядда расмийлаштиришни талаб қилмайди.
Бундай улаш ҳуқуқи фақатгина ушбу қурилмада ёки унинг участкасида бошқа бригада ишлашига рухсат берилмаган бўлсагина берилади.
103. Авария ҳолатларида таъмирлашга чиқарилган электр қурилмани навбатчи шахс ёки ишлашга рухсат берувчи иш бажараётган бригада йўқлигида иш тамом бўлгунга қадар, ишбоши ўз иш жойига етиб келгунча, ёки наряд улардан қайтариб олингунча иш жойига ишбошини, электр қурилма уланганлигини ва ишни бошлаш ман қилиниши ҳақида огоҳлантирувчи одамлар жой жойига қўйилиши шарти билан уланиши мумкин.