Elektr energetikada nazorat bo‘yicha davlat inspeksiyasi boshlig‘ining

Elektr energiyasini elektr tarmoqlari bo‘ylab uzatish va taqsimlashda texnologik yo‘qotishlar (bundan buyon matnda texnologik yo‘qotishlar deb yuritiladi) — elektr energiyasini uzatishda elektr uzatish liniyalari va elektr tarmoqlari uskunalarining texnik tavsiflari va ishlash rejimlariga bog‘liq holda ulardagi fizik jarayonlarga sarflanadigan texnik yo‘qotishlar, “O‘zbekenergo” aksiyadorlik jamiyati korxonalari o‘rtasida o‘zaro uzatiladigan elektr energiyasini hisobga olish tizimining ruxsat etilgan xatoliklari bilan bog‘liq yo‘qotishlar hamda transformator podstansiyalarining o‘z ehtiyojlari uchun sarflaydigan elektr energiyasi hajmining yig‘indisi;

Elektr energiyasini elektr tarmoqlari bo‘ylab uzatish va taqsimlashda texnologik yo‘qotishlarning normativlari (bundan buyon matnda texnologik yo‘qotishlarning normativlari deb yuritiladi) — texnologik yo‘qotishlarning mazkur Yo‘riqnomaga asosan hisoblab chiqiladigan foizdagi miqdori;

hisob davri — texnologik yo‘qotishlarning normativlari hisoblanadigan davr (kelgusi kalendar yil);

tayanch davr — hisob davridan avvalgi davr (12 oylik davr);