Elektr energetika uskunalariga xizmat ko‘rsatishda yuz bergan baxtsiz hodisalar oqibatida jabrlanganlarga shifokordan oldingi yordam ko‘rsatish bo‘yicha yo‘riqnomani tasdiqlash to‘G‘risida

5. YaRADOR BO‘LGANDA YORDAM KO‘RSATISh
Har qanday jarohat yarador qilgan jismdagi, jarohatlangan odamning terisidagi, changdagi,
yerdagi, yordam ko‘rsatuvchi shaxsning qo‘llaridagi va toza bo‘lmagan bog‘lash matosidagi
mikroblar bilan ifloslanishi mumkin.
Jarohatlanganga yordam ko‘rsatishda quyidagi qoidalarga rioya etish zarur:
jarohat joyini suv yoki har qanday dori moddasi bilan yuvish, ustiga kukun sepish va surtmalar
surish mumkin emas, chunki bu yaraning bitishiga to‘sqinlik qiladi, uni yiringlatishi va teri sirtidagi
ifloslarni kirib qolishiga sabab bo‘ladi;
jarohat joyining ichidan qum, tuproqni va h. olib tashlash mumkin emas, chunki shu tariqa
jarohat ichidagi hamma ifloslarni olib bo‘lmaydi. Yaraning atrofidagi ifloslarni yaraning ichiga
tushmasligi uchun undan tashqariga qilib ehtiyotkorlik bilan olish lozim;
terining tozalangan qismiga yod surish va bog‘lab qo‘yish zarur;
yaraning ichidagi qotib qolgan qonni, kiyim qoldiqlarini va h. olib bo‘lmaydi, chunki bu qon
oqib ketishiga sabab bo‘lishi mumkin;
yara joyini izolatsiya tasmasi bilan bog‘lash yoki uning ustini o‘rgimchakning ini bilan o‘rab
qo‘yish mumkin emas, bu qoqshal kasalligiga olib kelishi mumkin.
Yarador bo‘lganda birinchi yordam ko‘rsatish uchun dori qutichasidagi bog‘lash o‘ramini
uning ustida yozilgan ko‘rsatmalarga muvofiq ochish kerak. Bog‘lash vaqtida bevosita yaraga
tegadigan qismiga qo‘l tegizmaslik lozim.
Qandaydir sababga ko‘ra bog‘lash o‘rami bo‘lmagan taqdirda, jarohatni bog‘lash uchun toza
dastro‘mol yoki matodan foydalanish mumkin. Yara joyiga bevosita paxta qo‘yish mumkin emas.
Matoning bevosita yaraga qo‘yiladigan qismiga yaradan kattaroq dog‘ hosil bo‘lguncha bir
nechta tomchi yod tomizish, so‘ngra esa matoni yaraning ustiga qo‘yish kerak.
Yordam ko‘rsatuvchi shaxs qo‘llarini yuvishi yoki barmoqlarini yod bilan artishi kerak. Biroq
yuvilgan qo‘llar bilan ham yaraga tegish mumkin emas.
Agar yaraning ustiga tuproq tushgan bo‘lsa, qoqshal kasalligiga qarshi emlash uchun darhol
shifokorga murojaat qilish kerak.

---