Ekspluatatsiyasi instituti irisbekova mavluda narinbayevna xalqaro logistik

5.3-rasm. Transsibir magistralining sxemasi. 
Xalqaro transport yo‗laklarining samarali faoliyat ko‗rsatishining asosiy 
shartlaridan biri iqtisodiy asoslangan tranzit tariflarini qo‗llash bo‗lib hisoblanadi. 
Ular, bir tomondan, tranzit mamlakatlarning davlatlari va tashuvchilarining 
manfaatlarini, ikiknchi tomondan – yuk egalari va ekspeditorlarning manfaatlarini 
teng darajada aks ettirishi lozim.

---

129 
Amaldagi xalqaro yo‗laklar bilan bir qatorda TRASEKA (TRACECA – 
Transport Coridor Europe Caucausus Asia) deb nomlangan loyiha qabul qilingan – 
bu Evropa-Kavkaz-Osiyo (O‗zbekistonni aylanib o‗tish bilan Qozog‗iston orqali) 
transport yo‗lagini rivojlantirish bo‗yicha davlatlararo dasturdir. TRACEKA da 
ishtirok etuvchi mamlakatlar - Ozarbayjon, Armaniston, Bolgariya, Gruziya, 
Qozog‗iston, Qirg‗iziston, Moldova, Ruminiya, Tojikiston, Turkmaniston, 
Turkiya, O‗zbekiston, Ukraina. 
5.4-rasm. TRASEKA transport yo‗lagining sxemasi. 
TRASEKA – bu o‗rta asrlardagi tarixiy Buyuk Ipak yo‗lini, ya‘ni Markaziy, 
O‗rta va Kichik Osiyo orqali Xitoydan Evropaga boradigan yo‗lni qaytadan 
dunyoga keltirishga urinishdir. Loyihaning maqsadi Evropadan Kavkaz va Kaspiy 
dengizi orqali Markaziy Osiyoga va so‗ngra Xitoyga keladigan G‗arb-Sharq 
transport yo‗lagini yaratish va rivojlantirish bo‗lib hisoblanadi.
TRASEKA doirasida Ozarbayjon va Gruziyaning temir yo‗llari va 
Gruziyaning Qora dengizdagi Poti va Batumi portlari harakatga keltirilgan.
Bu yo‗nalishlar Shimol-Janub va G‗arb-Sharq nomini olgan, ularda Rossiya
asosiy transport kommunikatsiyalari joylashgan. 
Shimol-Janub yo‗nalishida tranzit yuklarni tashish quyidagi asosiy 
magistrallar bo‗ylab amalga oshiriladi: 

---

130 
1.
Finlyandiya chegarasi – Sankt-Peterburg – Moskva – Kiev – Ukrainaning 
Qora dengizdagi portlari; 
2.
Sankt-Peterburg – Pskov – Nevel – Vitebsk – Kiev – Ukrainaning Qora 
dengizdagi portlari; 
Bu har ikkala yo‗lak №9 xalqaro transport yo‗lagining Rossiy qismi bo‗lib 
hisoblanadi. 
3.
Moskva – Liski – Rostov-Don – Novorossiysk; 
4.
Moskva – Saratov – Volgograd – Astraxan – Samur (Ozarbayjon bilan 
chegarada); 
5.
Murmansk – Petrozavodsk – Volxovstroy – Tver – Moskva; 
6.
Arxangelsk – Vologda – Yaroslavl – Moskva; 
7.
Ichki suv yo‗llari: Volga-Boltiq va Oq dengiz-Boltiq kanallari, Volga 
daryosini o‗z ichiga oladi, keyinchalik Kaspiy dengizi orqali Eron, 
Ozarbayjon, Qozog‗iston, Turkmaniston portlariga, Volga-Don kanali 
orqali – Qora dengiz va O‗rta Er dengizi portlariga chiqiladi.