Экспериментал психология ва практикум

Ролли ўйиннинг диагностик имкониятлари
Ўқувчиларнинг ушбу ўхшаш шароитда ота-оналари хатти-ҳаракатларини ифода эта олганликлари, ўйинга уларнинг ота-оналари ҳақида ахборот бериш имконини беради. Бироқ, олинган бундай маълумотларни муҳокама қилишда маълум эҳтиёткорлик зарур, чунки ўқувчилар бошқаларнинг ота-онасини имитация қилган бўлиши ҳам мумкин
Ўйинни боришида дуч келинадиган қийинчиликлар.
Ўқувчилар ўйинда ролларига ҳис-ҳаяжон билан киришиб кетиб, унинг асосий мақсадини унутиб қўядилар. Бундай холларда бошловчи ўйинда “катта бобо” ролини ўзига олиб, ўйин тизгинини қайтариши мумкин. Айрим ҳолларда ўқувчиларнинг ўйин жараёнида ҳамкорликда ишлай олмасликлари муаммонинг ечими тўлиқ топилмаслигига олиб келади.
Ўйинни ривожлантириш истиқболлари
Ушбу ўйин натижаларидан келиб чиқиб ўқувчиларнинг ота-оналари билан уларнинг касб танлаши мавзуси юзасидан суҳбат ўтказиш қоидаларини шакллантириш мумкин. Агар ўйин болалар ва уларнинг ота-оналари иштирокида ташкил этилса, янада ижобий ва жонли кўриниш олади. Мабодо “Оила даврасида касбий қизиқишларни муҳокама қилиш” ўйинини “Касбий маслаҳат” билан биргаликда ташкил этишда қуйидаги тартибга амал қилиш лозим:

1. 
   Иштирокчилар учун умумий йўриқнома.
   

Роллар тақсимоти қуйидагича бўлади: иккита касб юзасидан маслаҳатчи, 3-4 аъзоли оила. .

2. 
   Оиладаги оилавий низо саҳнаси ижро этилади (“Оила даврасида касбий қизиқишларни муҳокама қилиш” ўйини бўйича). Маслаҳатчилар ташқарига чиқадилар ва касбий маслаҳатнинг умумий тузилиши билан танишадилар Барча босқич 10-15 дақиқага мўлжаланган.
   

Шундай қилиб, “Касбий маслаҳат” ўйинига оила аъзолари ва маслаҳатчилар махсус тайёргарлик кўрадилар.
4. Касб бўйича маслаҳатчилар ота-оналарнинг иштирокида ўқувчига маслаҳат берадилар. Маслаҳатчилар маслаҳат бериш тартиби акс эттирилган варақдан фойдаланмайдилар. Агар маслаҳатни ташкил этиш улар томонидан яхши ўзлаштирилмаган бўлса, у ҳолда бошловчи уларга ўйин давомида унинг ташкил этиш схемасига назар ташлашларини таклиф этиши мумкин.
Тажрибаларнинг кўрсатишича, “Касбий маслаҳат” ўйининг ушбу варианти кўп вақт олади (дастлабки ўйин камида бир соат вақтни олади).Аммо ўйин давомида касб танлашга доир мураккаб масалаларнинг ечимини топишга имконият яратилади.