Ekologiya va gigiyena modulidan o’quv uslubiy majmua

 
Tayanch iboralar:
Tambur, aseptik bloklari, sotuv zali, distillatsion-sterilizatsion. 
davolash-profilaktika, Insolyasiya, Yoritilish, rasfasovka xonasi (qadoqlash). 
Dorixona loyihasi, qurilishi va jihozlanishiga qo‘yiladigan gigienik talablar. 
Dorixona sog‘liqni saqlash tizimiga taalluqli muassasalaridan biri bo‘lib hisoblanadi, u 
davolash-profilaktika muassasalarini va aholini dori preparatlari, sanitariya va boshqa tibbiyot 
mollari bilan o‘z vaqtida ta’minlaydi. Tayyorlash va saqlashda gigienik rejimlarga qattiq rioya 
qilish zarur. 
Shuning uchun dorixonada olib boriladigan gigienik tekshiruvlarning natijasiga ko‘ra, 
dorixonaga qo‘yiladigan gigienik talablarni o‘rganish ishning asosiy maqsadi hisoblanadi. 
Dorixonada sanitar-gigienik talablarining buzilishlarini aniqlash, shuningdek zararli ishlab chiqarish 
omillarining dorixona ishchilariga ta’siri natijasida kelib chiqadigan kasb kasalliklarini aniqlashdan 
iborat. Dorixona ishchilariga ta’sir etuvchi omillarni aniqlash asosiy maqsad bo‘lib hisoblanadi. 
Dorixonaga qo‘yiladigan gigienik talablar SanQ va M № 0337-16 “Dorixonalarni 
joylashtirish, jixozlash va ekspluatatsiya qilish bo‘yicha sanitar qoida va me’yorlari ” va SanQ va M 
№ 0319-15 “Dorivor moddalarni va tibbiyot uchun mo‘ljallangan buyumlarni saqlash omborlarini
joylashtirish, jixozlash va ekspluatatsiya qilish bo‘yicha sanitar qoida va me’yorlari”da keltirilgan 
bo‘lib bular quyidagilardan iborat: 
– dorixona er maydoniga gigienik talablar; 
– dorixona jihozlari, xonalar ichining loyihalashga va jihozlashga qo‘yiladigan gigienik 
talablar; 
– xonalarni tozalash, dorixona jihozlarini saqlash va avaylashga qo‘yiladigan sanitariya 
talablari; 
– tozalangan suv va ineksiya uchun suvlarni qabul qilish, saqlash va jo‘natishga qo‘yiladigan 
sanitariya talablari; 
– dori preparatlarini aseptik sharoitda tayyorlashga qo‘yiladigan gigienik talablar; 
– steril dori shakllarini tayyorlashga qo‘yiladigan gigienik talablar. 

---

Ekologiya va gigiyena modulidan o’quv uslubiy majmua
44