Экология ҳуқуқи

С.Раупов ўз фаолиятини қайси қонун ҳужжатлари асосида ва қандай тартибда амалга ошириши керак эди?
Г.Узакова
17.	Қашқадарё вилояти, Китоб тумани ҳудудида жойлашган ўрмонда фуқаро С.Рашидов ўз оиласи билан дам олиш учун бориб, озиқ-овқатбоп ўсимликлар ва мевалардан ўз шахсий эҳтиёжлари учун йиғишган. Ўрмон қўриқчиси фуқаро С.Рашидовдан ўрмон ўсимликларидан фойдаланиш учун рухсатнома талаб қилиб, у ўз оиласи билан фақат дам олиш учун келганлигини ҳамда ўрмон ўсимлик ва меваларидан фойдаланиш учун ҳақ тўлаши лозимлигини таъкидлаган. С.Рашидов эса ўз навбатида ўрмон қўриқчисини ҳатти-харакатларидан норози бўлиб, Китоб туман прокуратурасига мурожаат қилган. Прокуратура ўрмон қўриқчиси ҳаракатлари устидан хизмат текширувини ўтказиб, ҳатти-ҳаракатини ноқонуний топиб, унга нисбатан интизомий чора кўриш юзасидан ўрмон қўриқчиси раҳбариятига тақдинома киритган. Натижада ўрмон қўриқчиси эгалаб турган лавозимидан озод қилинган. Аммо, ўрмон қўриқчиси, мазкур холатдан норози бўлиб, Китоб туман фуқаролик ишлари бўйича судига мурожаат қилган. Ушбу муаммоли вазиятни Ўзбекистон Республикаси қонун ҳужжатларига мувофиқ ҳал қилинг.	Х.Тухташев
18.	Андижон вилояти, Марҳамат туманидан фуқаро О.Ҳалимов ўз уйига яқин бўлган жойда тадбиркорлик фаолияти билан шуғалланиш мақсадида ёғочни қайта ишлаш цехини ишга туширди. Бундан хабар топган Марҳамат туман хокимлиги вакили ва профилактика нозири Р.Воҳидов ушбу цехнинг раҳбари О.Ҳалимовдан цех фаолиятини ташкил этиш учун рухсатномаси бор ёки йўқлигини сўраб мурожаат қилди. Профилактика нозирига О.Ҳалимов цех ишлаб турган худуддан 0.10 га ер туман ҳокимининг қарорига мувофиқ ажратиб берилганини ва мазкур қарор нусхасини тақдим этди. Кейинчалик аниқланишича О.Ҳалимовга ажратиб берилган 0.10 га ер майдони Қишлоқ хўжалиги вазирлиги ва Ўрмон хўжалиги давлат қўмитасининг худудий бўлимига тегишли бўлиб бу ерда махсус иҳота дарахтзорлари ҳам кўпайтирилар экан. Тадбиркор О.Ҳалимов 0.10 га ер майдонида мавжуд дарахтларни кесиб даромад олиш мақсадида уларни қайта ишлаб сотиб юборган.