Экология ҳуқуқи предмети, методи ва тизими

1-масала
2006 йил 16 декабрда Ўзбекистон Республикаси Олий Мажлиси Ўзбекистон Республикаси Конституциявий судига Ўзбекистон Республикаси Президентининг “Киото баенномаининг мусаффо ривожланиш механизми доирасида инвестиция лойиҳаларини амалга ошириш чора-тадбирлари тўғрисида”ги 2006 йил 6 декабрдаги №ПҚ-525 сонли қарорининг айрим бандларини амалдаги қонунчиликка мувофиқлиги нуқтаи назаридан кўриб чиқиш учун юборди.
Хатда кўрсатилишича:
– Қарорнинг 2-банди, “1-иловага мувофиқ, Вазирлар Маҳкамаси ҳузурида Киото баенномаини тўғри ривожлантириш механизми бўйича қўмиталараро кенгаш тузиш.
Қўмиталараро кенгашга қуйидаги асосий функцияларни юклаш:
Киото баенномаини тўғри ривожлантириш механизмидан фойдаланишнинг устувор йўналишларини белгилаш;
тўғри ривожлантириш механизми бўйича миллий даражадаги дастурларни танлаш ва қўллаш бўйича қоида ва тартибини тасдиқлаш;
миллий даражадаги дастурларни тўғри ривожланиш механизми бўйича, ваколатли органлар томонидан ўтказилган экспертиза натижалари асосида тасдиқлаш;
тўғри ривожланиш механизми бўйича дастур иштирокчилари ўртасида чиқиндиларни сотиб олишни қисқартириш бўйича Келишув лойиҳасини тасдиқлаш Ўзбекистон Республикасининг “табиатни муҳофаза қилиш тўғрисида”ги қонуни ва “Атмосфера ҳавосини муҳофаза қилиш тўғрисида”ги қонун талабларига зид”.
– Сизнинг фикрингизча, ҳақиқатдан ҳам ушбу қарор юқорида саналган қонунлар талабларига зидми?
– Конституциявий суд шу каби мурожаатларни кўриб чиқишга ваколатлими?
– Олий Мажлис Ўзбекистон Республикаси Президенти қарорлари қоидаларини кўриб чиқишга ҳақлими?
– Сизнингча, Ўзбекистон Республикаси Конституциявий суди қандай қарор қабул қилиши мумкин?


2-масала
Ўзбекистон Республикаси Табиатни муҳофаза қилиш давлат қўмитаси ушбу қўмита раисининг буйруғини Ўзбекистон Республикаси Адлия вазирлигига рўйхатга олиш учун юборади. Бироқ, Адлия вазирлиги ушбу буйруқни умумдавлат аҳамиятига эга бўлмаганлиги боис рўйхатга олишни рад этади.
– Ушбу вазиятга ҳуқуқий баҳо беринг.
– Ўзбекистон Республикаси Адлия вазирлиги муайян ҳужжатни умумдавлат аҳамиятига эга бўлмаганлиги боис рўйхатга олишни рад этишга ҳақлими?
– Амалдаги қонунчиликка мувофиқ, қандай норматив-ҳуқуқий ҳужжатлар Ўзбекистон Республикаси Адлия вазирлигида рўйхатга олиниши лозим?