Ёғоч ўймакорлиги” ТЎгараги ўҚув дастури тошкент-2016

ЎЗБЕКИСТОН РЕСПУБЛИКАСИ ХАЛҚ ТАЪЛИМИ ВАЗИРЛИГИ

“ЁҒОЧ ЎЙМАКОРЛИГИ” ТЎГАРАГИ

ЎҚУВ ДАСТУРИ


ТОШКЕНТ-2016

Муаллифлар:	-	С.Хўжаев – “Баркамол авлод” республика болалар бадиий ижодиёт маркази тўгарак раҳбари З.Товбоев – Халқ таълими вазирлиги шўъба мудири Д.Эрматов – “Баркамол авлод” республика болалар бадиий ижодиёт маркази директори
Тақризчилар:	-	Н.Шомансурова – “Баркамол авлод” республика болалар бадиий ижодиёт маркази директор ўринбосари
		Ғ.Юлдошев - А.Хўжаев номли Республика дизайн коллежи катта ўқитувчиси
		Э.Алиев – Юнусобод туман “Баркамол авлод” болалар маркази тўгарак раҳбари

Ушбу ўқув дастури Республика Таълим маркази ҳузуридаги Маънавий-маърифий йўналишдаги Илмий методик кенгашининг 2016 йил 15 июлдаги 6-сонли навбатдан ташқари йиғилиш қарори билан фойдаланишга тавсия этилган.

“ЁҒОЧ ЎЙМАКОРЛИГИ” ТЎГАРАГИ ЎҚУВ ДАСТУРИ

КИРИШ

Ёғоч ўймакорлиги ўзбек халқ амалий безак санъатининг кенг тарқалган турларидан бири ҳисобланади. Бунда бирор нақш ёки тасвир ёғоч буюмларга чизиб, кесиб, ўйиб ишланади. Ўрта Осиёда ҳам ёғоч ўймакорлиги қадимдан ривожланиб, кишиларнинг уй рўзғор буюмларида ва архитектурасида жуда кенг қўлланилган. Бу ўймакорлик қадимий архитектуранинг, эшик, дарвоза, устунлар, ҳар хил тўсин, стол, хонтахта, қутича, рамка, қаламдон ва бошқа буюмларни безашда ишлатилиб келинган.

“Ёғоч ўймакорлиги” тўгарагида ўқувчиларда турли буюмларни ясаш дурадгорлик асбоблари ва дастгоҳлари билан ишлаш кўникмалари ва малакаларни ҳосил қилишдан иборат.
“Ёғоч ўймакорлиги” тўгарагида 8 ёшдан 16 ёшгача бўлган ўқувчилар қабул қилинади.
“Ёғоч ўймакорлиги” тўгараги ўқув режаси бир ўқув йилига мўлжалланган.
Мазкур ўқув дастури Халқ таълими вазирлигининг 2015 йил
31 мартдаги 7-мҳ-сонли буйруғи билан тасдиқланган мактабдан ташқари таълимга қўйиладиган давлат талаблари асосида ишлаб чиқилган.
Ушбу ўқув дастурида берилган мавзулар ва мавзуга оид соатлар миқдори (216 соатдан чиқмаган ҳолда) ҳудуднинг ва тўгаракларга жалб қилинган болаларнинг ёш хусусиятларидан келиб чиққан ҳолда тўгарак раҳбари томонидан 25 фоизгача ўзгартирилиши мумкин.

“Ёғоч ўймакорлиги” тўгарагининг биринчи ўқув йилига мўлжалланган ўқув дастури

Т/р	Машғулот мавзулари	Назарий соат	Амалий соат	Жами соат
1.	Кириш	2		2
2.	Нақш ва унинг турлари. Ёғоч ўймакорлигида ишлатиладиган нақш элементлари	1	15	16
3.	Энг оддий ҳошиябоп нақш намуналарини тартиб рақами бўйича чизиш	11	23	34
4.	Ёғоч ўймакорлигида ишлатиладиган материаллар ва уларнинг турлари	1	5	6
5.	Ўймакорлик ишлари ҳақида умумий тушунча	5	13	18
6.	Ёғоч ўймакорлиги буюмлари учун мос материаллар танлаш		3	3
7.	Ёғоч ўймакорлик бирикмалари хақида тушунча бериш	1	2	3
8.	Ёғочлар устида ишлаш	3	7	10
9.	Оралиқ назорат иши		3	3
10.	Оддий ҳошиябоп нақш намуналарини аксланган ҳолда босқичлари бўйича чизиш	3	30	33
11.	Ёғоч ўймакорлик мактаблари ҳақида тушунча бериш	4	14	18
12.	Ёғоч ўймакорликниг оддий нақшлардан фодаланлган холда муракаб нақш намуналарни тузиш, ўйиш локлаш ва пардрзлаш	10	57	67
13.	Якуний назорат иши		3	3