Эфферент иннервацияга таъсир этувчи дори воситалари

---

1.1. ЭФФЕРЕНТ ИННЕРВАЦИЯГА ТАЪСИР ЭТУВЧИ ДОРИ ВОСИТАЛАРИ 
1.2.1. Холинергик синапсларга таъсир этувчи воситалар 
1.2.1.1. 
Холинергик синапсларни қўзғатувчи воситалар 
Холинергик синапсларни қўзғатувчи воситалар икки гуруҳ ҳолида кўриб чиқилади: 
1) 
холиномиметиклар (холинорецепторларни бевосита қўзғатувчи воситалар); 
2) 
антихолинэстераз воситалар (ушбу гуруҳга кирувчи дори воситалари синапсларда ацетилхолинни 
гидролизловчи ацетилхолинэстераза ферментини ингибирлайди, пировардида медиаторнинг 
холинорецепторларга таъсири кучаяди). 
Холиномиметиклар мускаринга сезгир ва никотинга сезгир (мос равишда м- ва н-холинорецепторлар) уч 
гуруҳга бўлинадилар: м-холиномиметиклар, н-холиномиметиклар ва м, н-холиномиметиклар. 
М-холиномиметиклар парасимпатик нервларни фаоллаштирувчи самараларни тақлид қилади, н-
холиномиметиклар симпатоадренал тизимни фаоллаштиради ҳамда нафас ва вазомотор (томирларни 
бошқарувчи) марказларни рефлектор қўзғатади, м-, н-холиномиметиклар эса терапевтик дозаларда м-
холиномиметиклар каби таъсир кўрсатади (уларнинг н-холиномиметик таъсири м-холинорецепторлар 
блокадаси фонида дозани оширганда намоён бўлади). 
Антихолинэстераз воситалар вегетатив ва ҳаракат иннервациясини фаоллаштиради. Терапевтик 
дозаларда ушбу гуруҳдаги препаратларнинг вегетатив иннервацияни қўзғатиш билан боғлиқ самараси м-
холиномиметикларнинг самараси билан ўхшаш бўлади. 
М-холиномиметиклар глаукомада, ичаклар атонияси ҳамда сийдик пуфаги атонияларида ишлатилади, м-
, н-холиномиметиклар — баъзан глаукомада, н-холиномиметиклар эса — айрим ҳолларда нафас марказини 
рефлектор қўзғатиш учун, шунингдек чекишни ташлашда ёрдам берувчи восита сифатида қўлланилади. 
Антихолинэстераз дорилар қўллаш учун м-холиномиметиклар билан бир хил кўрсатмаларга эга, 
шунингдек миастения, парез ва фалажликни даволашда ҳам ишлатилади. Бундан ташқари, улар 
деполяризацияга қарши кураресимон воситаларнинг антагонисти ва м-холиноблокаторлар билан 
заҳарланганда ишлатилади.