Easbekiston oliy va oliy ira mahsus tem tem vizirligi university term faculty pedagogy

Оилада қизлар тарбияси нозик қадриятдир: Ўзбек оилаларнинг аксарияти ўзининг серфарзандлиги билан ажралиб туради. Шунга кўра, ота-оналарнинг хоҳ ўғил, хоҳ қиз, хоҳ тўнғич, хоҳ кенжа фарзанд бўлмасин, уларга тенг ва одил муносабатда бўлиши, эркалатмаслиги, катталар намунаси орқали кучлиликни тарбиялаши ажобий ходисадир. Бундай хусусиятлар қизлар учун алоҳида аҳамиятга эгадир. Қизларга Шарқона мулоқот одобини тарбиялашда оилада албатта оналар ибрат-намунадир.
Оилаларда қиз болалари кам бўлган ота-оналар, ўз фарзандларини ортиқча эркалайдилар–қиз бола оиланинг танҳо овунчоғига айланиб қолади. Натижада шундай қизлар эрка, ўжар, тантиқ, шахсиятпараст, кибрли ва манман бўлиб вояга этиши мумкин.
Оилада қатъий интизом ва кун тартибининг бўлиши қиз болалар тарбиясига ижобий таъсир қилади. Қиз болаларнинг билим олишдаги ютуғи, ахлоқи, ор-номуси, ибо-ҳаёси, тежамкор ва оқила бўлиши, саломатлик даражаси кўп жихатдан оилада қарор топтирилган оқилона тузилган оила режимга боғлик. Шунинг учун ота-оналарнинг ўзлари ҳам бу борада ибрат-наъмуна кўрсатишлари даркор. Чунки, у катта бўлгач, ниҳол каби бошқа уйга кўчиб ўтади – оила қуради.
Оилада қизлар, бўлажак оналар алоҳида ўз ўринларига эга бўлиши ва оилани бошқаришда етакчи куч эканини унитмаслигимиз лозим.
Оила – бу ўзига хос хўжалик бўлиб унинг турмуш кечириш муаммолари мавжуд. Ота – оналар оила аъзоларнинг амалий фаолиятларини уюштиради, уларнинг овқатланиш, таълим олиш, ишлаш, дам олиш, кийим бош билан таъминлаш каби кундалик режимини ташкил қилади, фарзандни қиз болалигидан бошлаб меҳнатга тежамкорликка, ибо-ҳаёга, ор-номуслиликка, ғурур ва мустақилликка, шахслараро ибратли муносабатга ўргатиб боради. Ўзбек оиласи аъзоларнинг деарли барчасини саводхон, маълумотли деб атасак, хато қилмаган бўламиз.
Ўзбекистон Республикасининг “Таълим тўғрисида”ги қонунида оиланинг жамият, давлат олдидаги маъсулиятни англаб етадиган комил инсонни тарбиялашдаги ролига алоҳида эътибор берилди. Бу борада “оила-маҳалла-мактаб” дастурининг яратилиши муҳимдир. Ўқувчиларнинг дарсдан ташқари вақтларида тарбиялашда маҳалланинг роли катта.