Ё. Н. Файзиев,А. М. Ашурметов, А. Ж. Хамраев,М. Н. Агзамова, М. Д. Ахмедов, Билим соҳаси ижтимоий таъминот ва соғлиқни сақлаш-500000 Таълим сохаси соғлиқни сақлаш -510000

а) Ташқи тасир натижасида қон кетиши (Haemorrhagia per rhexin) – қон томирининг механиқ жароҳатланиши (ёрилиши) натижасида келиб чиқадиган қон кетиши. Қон кетишининг энг кўп тарқалган тури ҳисобланади.
б) Муайян патологик жараён натижасида (Нaemorrhagia per diabrosin)–қон томири деворининг эррозиясидан (бузилиши, емирилиши, некрози) келиб чиқадиган қон кетиши. Бундай турдаги қон кетишини яллиғланиш жараёнида, ўсмаларнинг парчаланиши, ферментатив перитонит (қорин пардасининг яллиғланиши) ва бошқа шу каби ҳолатларда кузатилиши мумкин.
в) Қон томири деворини ўтказувчанлик қобилиятининг микроскопик даражада бузилишида(Haemorrhagia per diapedesin) кузатиладиган қон кетиши. Қон томири деворини ўтказувчанлик қобилиятининг ошиб кетиши одам танасида С витаминининг камайиб кетиши, Шенляйн-Генох касаллиги (геморрагик васкулит), уремия, скарлатина (қизилча), сепсис (қон орқали бутун тананинг заҳарланиши) ва шу каби бошқа касалликлар билан касалланганликда юз бериши мумкин.Қон кетишида қон қуюлиши тизимининг ҳолати ҳам муайян ўрин тутади. Қон томирларида тромблар ҳосил бўлишининг бузилиши ўз-ўзидан қон кетишига олиб келмаслиги мумкин, лекин ҳолатни бирмунча оғирлаштиради. Масалан, битта майда вена қон томирининг жароҳатланиши, одатда, қон кетишига олиб келмайди, чунки бунда ўз-ўзидан юзага келувчи гемостаз тизими ишлаб кетади. Башарти, бунда қон қуюлиши тизимининг ҳолати ёмонлашган бўлса, унда ҳатто энг енгил жароҳат ҳам ўлимни келтириб чиқарувчи қон кетишига олиб келиши мумкин. Қоннинг қуюлиши жараёнининг бузилганлиги билан боғлиқ касаллик бўлиб гемофилия ҳисобланади.
3. Қон кетишининг ташқи ва ички муҳитга нисбатан фарқланиши.Ушбу белгига кўра барча қон кетиши ҳолатлари икки асосий турга бўлинади: ташқи ва ички қон кетиши.
а )Қон жароҳатдан одам танасидан ташқарига, ташқи муҳитга оқиб чиқиши ташқи қон кетиши дейилади. Бундай қон кетишлар яққол кўриниб туради ва тезда ташхис қилинади. Ташқи қон кетиши турига хирургия амалиётидан кейинги жароҳатдан дренаж йўли билан қоннинг чиқариб ташланиши ҳам киритилади. Бунда меъда ичак тизимидан қон кетиши хам шунга киради.(5-расм.)