Ё. Н. Файзиев,А. М. Ашурметов, А. Ж. Хамраев,М. Н. Агзамова, М. Д. Ахмедов, Билим соҳаси ижтимоий таъминот ва соғлиқни сақлаш-500000 Таълим сохаси соғлиқни сақлаш -510000

Тромбоцитлар адгезияси.
Тромбоцитлар адгезияси – бу қон томири деворидаги интима жароҳатланган жойларда тромбоцитларнинг ёпишиб, колиб кетиши. Ушбу жараён интима жароҳатланган жойларда коллагенлар очилиб қолиши билан биргаликда кузатиладиган электрик потенциалнинг ўзгариши билан боғлиқдир. Тромбоцитлар адгезияси жараёнида коллагенлардан ташқари Ib гликопротеини, фон Виллебранд омили, кальций ионлари ва бошқа бир қатор омиллар ҳам (тромбоспондин ва фибронектин) иштирок этади.
Қ
14-расм. Тромбоцитлар агрегацияси.
он томири деворидаги очилиб қолган коллагенларга тромбоцитлар адгезияси бир неча лаҳза давомида содир бўлади ва кейинги фазани – тромбоцитлар агрегацияси бошланиши учун замин яратиб берувчи биологик фаол моддаларнинг ажралиб чиқиши жараёни билан биргаликда кузатилади.


Тромбоцитлар агрегацияси.
Тромбоцитлар агрегацияси жараёни бир неча лаҳза давом этади. Ушбу фаза дастлабки, иккиламчи агрегация ва эйкозоноидлар шаклланиши каби учта босқичдан иборат бўлади.
Дастлабки агрегация. Агрегация жараёнини қуйидаги биологик фаол моддалар ишга туширади: АДФ, адреналин, тромбин. Агрегация механизми: Са^2- – қарам IIb-IIIa трансмембрана гликопротеини – фибриноген рецептори (I плазма омили) – фибриноген билан боғланади. Иккиламчи агрегация. Эндотелия ости боғловчи тўқимага ёпишиб олган тромбоцитларнинг миқдори ошиб бориши билан биргаликда тромбоцитларнинг фаоллашуви юз беради. Фаоллашган тромбоцитлар шарсимон шаклга киради ҳамда шикастланган жойга қон келишини чекловчи арахидон кислотаси ҳосил қилиб, серотанин моддасини ишлаб чиқаради. Эйкозаноидлар ҳосил бўлиши. Тромбоцит фосфолипидларидан ажралиб чиқувчи арахидон кислотаси циклооксигеназлар ёрдамида беқарор циклик эндоперекисларга (G₂ ва H₂ простогландинларига) айланади. Тромбоксансинтетаза эса H₂ простогландинини кейинчалик АДФ нинг ажралиб чиқишини стимулловчи А₂ простогландинига айлантиради, бу эса тромбоцитлар агрегациясини кучайтиради.
Натижада, агрегацияланган тромбоцитлар билан тромбин ва фибринларнинг биргаликдаги ҳаракати тромбоцитар қуйқанинг ҳосил бўлишига олиб келади. Тромбоцитар қуйқа эса коагуляция оқсиллари мажмуасини тўпловчи юза ҳосил қилади.