Ё. Н. Файзиев,А. М. Ашурметов, А. Ж. Хамраев,М. Н. Агзамова, М. Д. Ахмедов, Билим соҳаси ижтимоий таъминот ва соғлиқни сақлаш-500000 Таълим сохаси соғлиқни сақлаш -510000

Жароҳатдаги қон оқаётган қон томирини босиш
Жароҳатдаги қон оқаётган қон томирини босиш бирмунча муҳим масалалардан биридир. Ушбу усулдан хирурглар кўпинча хирургия амалёти жараёнида қон томирларида қон кетиши юзага келганда фойдаланадилар. Бунда бармоқ билан қон кетаётган жойдаги қон томири қисилади ёки икки бармоқ билан қон кетаётган қон томиридан сал юракка яқинроқ жойда артерия қон томири қисиб босилади. Шунда қон кетиши вақтинчалик тўхтайди, жароҳат қондан тозаланади ва шароитга қараб қон кетишини батамом тўхтатишнинг энг оптимал варианти танланади.


Қўл-оёқларнинг бўғимларини максимал даражада бўқиб тўхтатиш.
У
19-расм. Максимал букиш усули билан қон кетишини тўхтатишнинг турли кўринишлари


шбу усул сон қисмидан (тос суяги ва сон суяги орасидаги бўғимни максимал букиш), болдир ёки тизза пасти оёқдан (тизза бўғимида максимал букиш), қўл ёки елка соҳасидаги (тирсак бўғимида максимал букиш усуллари билан) қон кетишини тўхтатишда фойдаланилади. Максимал қайириш усулининг қўлланиш ҳолатлари Жгут қўйиш билан бир хил. Усул Жгут қўйишга қараганда камроқ ишончли бўлсада, лекин бунда янги жароҳат олиш имконияти ҳам камроқ. Тирсак бўғимида максимал букиш усули кўпинча вена томири пункциясидан (вена инфузияси, текшириш учун қон олиш) кейин қўлланилади.


Қўл-оёқларни тепага кўтариб туриш
Усул ўта оддий бўлиб, жароҳатланган қўл-оёқни тепага кўтаришнинг ўзи кифоя. Лекин, бу билан уни эсдан чиқариб қўйиш ҳам керак эмас.
Қўлланилиш ҳолатлари – вена ва капилляр қон томирларидан қон кетиши, айниқса тана пастки қисмидан кетганда фойдаланиш лозим.
Қисиб боғлаш
Қўлланадиган ҳолатлар. Ушбу усулни қўллаш учун фақатгина бинт ва боғловчи материал керак бўлади.Қисиб боғлаш кичик қон томирларидан, вена ва капилляр қон томирларидан енгил қон кетиши ҳолатларида қўлланади. Келтирилган усул – пастки тана қисмида қон кетишида танланадиган усуллардан биридир. Қисиб боғлаш усули хирургия амалётидан (флебэктомия, сут бези секторал резекцияси, мастэктомия ва ҳоказолар) кейинги дастлабки вақтда жароҳатларда қон кетишининг олдини олиш учун профилактика мақсадларида ҳам қўлланилиши мумкин.