Е. Б. Бабский, А. А. Зубков, Г. И. Косицкий, Б. И. Ходоров

240расм. Мушук таламусининг ортқи вентрал ядросида
афферент системалар вакиллигининг схематик картаси
(Р. А. Дуриняндан).
Вакиллик соҳалари; 1 — дум ва думғаза; 2 — кейинги оёқ; 3 — тана;
4 — олдинги оёқ; 5 — бош; 6 — чаноқ нерви; 7 — қорин нерви;
8 — адашган (сайёр) нерв. Юзага чиқарилган потенциалларни тек
шириб тузилган карта.
Кўз тўр пардасининг турли қисмларидаги рецепторлардан импульс олувчи нейронларнинг фазода бир қадар чегараланганлиги латерал тиззасимон танада ҳам қайд қилинади. Кортий органининг турли қисмларидаги рецепторлардан импульс олувчи нейронларнинг фазода худди шунингдек бир қадар чегараланганлиги медиал тиззасимон танада ҳам кузатилади.
Таламуснинг ассоциатив ядролари унинг асосан олдинги қисмида бўлиб, таламуснинг кўчирувчи ядроларидан импульслар олади ва уларни мия пўстлоғининг ассоциатив зоналарига ўтказади. Ассоциатив ядроларга латерал ядролар, медиодорсал ва ёстиқсимон (ри1у1паг) ядролар киради. Таламуснинг ассоциатив ядролари, шунингдек (янада кўпроқ) катта ярим шарлар пўстлоғидаги ассоциатив зоналар филогенез процессида катталашиб боради. Одам таламусидаги ассоциатив ядролар айниқса яхши ривожланган.

Таламуснинг латерал ядролари импульсларни катта ярим шарлар пўстлоғининг тепа соҳасига ўтказади. Ёстиқсимон ядронинг латерал қисми энса бўлагидаги кўрув ассоциатив зонасига, риМпагнинг медиал қисми эса катта ярим шарлар пўстлоғининг чакка бўлагидаги эшитув ассоциатив зонасига импульс ўтказади.Медиодорсал ядро катта ярим шарлар пешона бўлагининг пўстлоғига, лимбик системага, шунингдек гипоталамусга боғлиқ.

Ярим шарлар пўстлоғининг ассоциатив зоналари билан таламус ядролари ўртасида, шунингдек ярим шарлар пўстлоғининг сенсор зоналари билан кўчирувчи ядролар ўртасида қайтар алоқалар бор, мия пўстлоғига ўтказиладиган ва ундан олинадиган импульслар шу қайтар алоқалар орқали доира бўйлаб ўзаро таъсир этиши мумкин.