Е. Б. Бабский, А. А. Зубков, Г. И. Косицкий, Б. И. Ходоров

Ассимиляция ва диссимиляция
Моддалар алмашинуви ассимиляция ва диссимиляция деган икки процесснинг бирлигидан иборат.
Тирик материя яратилиш ироцесслари: организмга ташқи муҳитдан кирган моддаларнинг ҳужайралар томонидан ўзлаштирилиши, оддийроқ химиявий моддалардан мураккаброқ химиявий бирикмалар ҳосил бўлиши, организмда тирик протоплазманинг синтез қилиниши мажмуасини ассимиляция деб юритишади. «Ассимиляция» термини лотинча assimulo — ўхшатаман сўзидан олинган бўлиб, луғавий таржимаси «ўхшатиш», «ўзлаштириш» демакдир, яъни ҳужайралар турли моддалардан шундай фойдаланадики, бу моддалар тирик материяга айланади, демакдир.
Диссимиляция (dissimulo— ўхшамайдиган қиламан сўзидан) — ҳужайралар структураси, жумладан оцсил бирикмалар таркибига ки-радиган моддаларнинг парчаланиши, бўлиниши, тирик материянинг емирилиши демакдир. Бунда парчаланиш маҳсулотлари организмдан чиқиб кетади.
Муайян биохимиявий процессларнинг ассимилятор ёки диссимилятор процесслар-экаклигини билиш кўпинча қийин бўлади. Масалан, организмда бир химиявий бирикмадан иккинчисига муайян химиявий группалар (фосфат кислота қолдиғи, амин группаси)нинг ўтказилиши — трансфосфорилланиш, трансаминланиш ва бошқа процесслар-шундай.
Ассимиляция ва диссимиляция бир-бирига қарама-қарши ва ўзаро чамбарчас боғланган. Ассимиляцияда диссимилятор процесслар кучаяди, булар эса ўз навбатида ассимилятор процессларга замин ҳозирлайди. Кўпинча тажрибалар ассимиляция билан диссимиляциянинг ўзаро-боғланганлигига мисол бўла олади. Бу тажрибаларнинг кўрсатишича, организм ўсаётганда ва ҳужайралар кўпаяётганда тирик протоплазма ҳосил бўлиши ва оқсил синтези кучаяди, айни вақтда парчаланиш реакциялари ҳам анча кучаяди. Шу сабабли организм ўсаётганда энергия сарфи кескин даражада кўпаяди. Денгиз кирписининг тухуми уруғлангач ҳужайралар кўпая бошлаб, оксидланиш процесслари 6 баравар кучайишини Варбург аниқлади. Худди шунингдек, ёмон ўсма тез ўсаётганда ҳужайралар янгидан зўр бериб ҳосил бўлади, айни вақтда бутун организмдаги диссимилятор процесслар кескин даражада кучаяди. Ассимиляция ва диссимиляция процесслари бир-биридан ажратиб бўлмайдиган даражада чамбарчас боғлиқ, лекин улар ҳамиша ўзаро мувозанатланган бўлавермайди. Масалан, организм ўсаётганда иккала процесс интенсив бўлиб, ассимиляция нисбатан устун келади.