Дунё океани деб нимага айтилади?

Артезиан сувлари қайси турдаги ерости сувларига киради?

Босимли қатлам сувлари

77. 
    Ерости сувларининг кимёвий таркиби қандай?
    

Табиатдаги барча ерости сувлари минералланиши жиҳатидан туртта катта гуруҳга бўлинади: 1. Чучук сувларнинг умумий минералланиши 1 г/л гача. 2. Шўрроқ - 1 дан 10 г/л гача. 3. Шўр - 10 дан 50 г/л гача. 4. Ўта минераллашган сув, умумий минералланиши 50 г/л дан кўп (200 - 300 г/л). Юқорида кўрсатилган гуруҳлар ерости сувларининг минерал­ланиши бир меъёрда бўлмаслигини кўрсатади. Агар 1 л ерости су­вида 1 г дан кам туз бўлса, у ичиш учун яроқли ҳисобланади. Ерости сувлари кимёвий таркибининг асоси бўлиб НСО₃^-, SO₄^2-, С1^- анионлари ва Са²⁺, Mg²⁺, Na⁺ катионлари саналади. Уларнинг нисбати ерости сувларининг ишқорлилиги, қаттиқлиги ва шўрлигини белгилайди. Анионларининг устиворлиги бўйича ерости сувлари:
- гидрокарбонатли;
- сульфатли;
- хлоридли ҳамда уларнинг гидрокарбонат-сульфат,
сульфат-хлоридли ва бошқа оралиқ турлари ажратилади.

78. 
    Ерости сувлари қандай геологик ишларни бажаради?
    

Узлуксиз ҳаракатда бўлган ерости сувлари муайян геологик ишларни бажаради. Улар тоғ жинсларини эритади, эриган маҳсулотларни ташийди ва маълум турдаги ётқизиқларни ҳосил қилади. Ерости сувларининг геологик ишида тоғ жинсларига кимёвий ва механик таъсири етакчи аҳамиятга эга. Бу жараёнларнинг натижалари бўлиб карст ва кўчкиларнинг ҳосил бўлиши ҳисобланади

79. 
    Карстланиш жараёни деб қандай жараёнларга айтилади?
    

Карстланиш жараёнлари. Карст деб ерости сувлари таъсирида дарзлашган тоғ жинсларининг эриши, ерусти ва еростида ўзига хос рельеф шаклларини ҳосил қилишига айтилади. Сув таъсирида яхши эрийдиган жинсларга галоидлар (ош тузи ва калий тузи), сульфатлар (гипс ва ангидрит) ва карбонатлар (оҳактош ва доломит) киради. Туб жинсларнинг таркиби бўйича тузли, сульфатли ва карбонатли карстлар ажратилади.

80.