Дунё океани деб нимага айтилади?

1. 
   Дунё океани деб нимага айтилади?
   

Дунё океани деганда барча океанлар ва уларга туташган чекка денгизлар тушунилади..Дунё океани улкан аквариум бўлиб, унда илк бор ҳаёт пайдо бўлган ва ҳозирга қадар ривожланмоқда. Дунё океани гидросферанинг асосий қисмини (94 % га яқин) ташкил этади ва литосфера қаторида сайёрамиз юзасининг тузилишида қатнашади. 510 млн км² ли Ер сиртининг 361 млн км² майдонини, яъни 70 % дан ортиғини Дунё океани акваторияси эгаллаган. Океан ва денгизлардаги сув 850 млн км³ ни ёки ер шари умумий ҳажмининг 0,13 % ни ташкил этади. Дунё океанининг таркибига: 1) Атлантика, Тинч, Ҳинд ва Шимолий муз океанлари.

2. 
   Океанлар рельефидаги асосий геоморфологик бирликлар?
   

Океанлар рельефида учта йирик геоморфологик бирликлар: материкларнинг сувости чеккаси, Дунё океани ложаси ва ўртаокеан тизмалари (ЎОТ) ажратилади.
Материкларнинг сувости четлари ёки континентал четлар кон­тинентлар ва океанлар орасидаги зоналар ҳисобланади
Дунё океани ложаси 3-4 дан 6 км гача бўлган чуқурликда жойлашган бўлиб, океанларнинг 50 % дан ортиқ майдонини эгаллайди. Унинг рельефида абиссал (юнонча «абисос» - тубсиз) текисликлар ҳамда абиссал сувости тепаликлари ва тоғлари ажратилади.
Ўрта океан тизмалари (ЎОТ) узунлиги 60 минг км дан ортиқ бўлган ягона сайёрар тизимни ташкил этган ҳолда барча океанларни кесиб ўтади.

3. 
   Материкнинг сувости чеккаси деб нимага айтилади?
   

М атерикларнинг сувости четлари ёки континентал четлар кон­тинентлар ва океанлар орасидаги зоналар ҳисобланади ва уч турга бўлинади. Булар пассив (атлантик), фаол (тинчокеани) ва трансформали турлардир.
Тинчокеани туридаги фаол континентал четлар пассив атлантика туридан ёш вулканизм, зилзилалар, тектоник деформациялар, оролли ёйлар ва чуқурсув новлари туфайли рельефининг кескин парчаланганлигада ифодаланган юқори тектоник фаоллиги билан фарқ қилади.
Трансформали континентал четлар кам тарқалган бўлиб, материк ёки ороллар соҳили бўйлаб чўзилган ер ёриқлари билан боғлиқ

4.