Дўстов Ҳ. Б. Коррозиядан ҳимоя қилиш

7.1.2. Коррозион бардошлиликни ошириш мақсадида 
пўлатларни легирлаш 
Пўлатларга керакли механик хоссаларни бериш, уларнинг коррозион 
бардошлилигини ошириш мақсадида уларнинг таркибига легирловчи 
элементлар киритилади. Легирловчи элемент темир билан қаттиқ эритма 
ҳосил қилади, бир-бири билан ёки қўшимча элементлар билан таъсирлашиб, 
металлмас бирикмалар ёки қўшимча фазалар ҳосил қилади. 
Пўлатларнинг кимёвий таркиби уларни ишлаб чиқарувчи турли 
мамлакатлардаги қуйидаги стандартларга мос белгиланади: ГОСТ – Россия 
Федерацияси (ёки олдинги СССР); AISI – АҚШ; B.S. – Буюк Британия; 
A.F.N.O.R. – Франция; DIN – Германия (ФРГ); SIS – Швеция, MSZ – Венгрия; 
CSN – Чехия (Чехословакия). 
Пўлатларнинг кимёвий (маркали) таркибини белгилашда мамлакатнинг 
классификациясига 
биноан 
рақамли 
ва 
ҳарфли 
белгилашлардан 
фойдаланилади. Ҳар бир легирловчи элементга маълум бир ҳарф тақдим 
этилган: X – Сr; Н – Ni; М – Мо; Г – Мn; Ю – Аl; Ф – W; С – Si; Т – Ti; Д – Сu; 
Б – Nb; A – N. Кимёвий элементни англатувчи ҳарфдан кейин бир ёки икки 
рақамли бутун сон массавий % ларда ифодаланган легирловчи элементнинг 
концентрациясини 
билдиради. 
Пўлатнинг 
маркасини 
ифодаловчи 
аббревиатуранинг биринчи рақами углерод концентрациясининг юздан бир 
улушдаги массавий % ни билдиради. 

---

159 
Стандартларга асосан, ҳар бир маркали пўлат таркибидаги легирловчи ва 
қўшимча элементларнинг миқдори маълум бир рухсат этилган чегара 
доирасида бўлади. 
Паст легирланган
пўлатларнинг таркибида асосан, уларга маълум 
механик ёки технологик хусусиятлар ҳосил қилиш мақсадида киритилган бир 
неча процентгача легирловчи элемент бўлади.
Алоҳида гуруҳ сифатида таркибига 12 % ва ундан юқори (массанинг 30 
% гача) миқдорда муқаррар хром қўшиладиган 
коррозияга бардошли
пўлатларни ажратиб кўрсатиш мумкин. Бу гуруҳдаги пўлатлар углеродли ва 
паст легирланган пўлатлар бардош бера олмайдиган, кимё саноатига хос 
бўлган ўта агрессив муҳитларда ишлатиш учун махсус ишлаб чиқарилади.
Коррозияга бардошли пўлатларнинг классификацияси, номенклатураси 
ва кимёвий таркиби ГОСТ 5632-72 билан меъёрланган. 
Хром
турлича кислоталили ва анион таркибли муҳитларда пассивланишга 
юқори мойилликни намоён қилади. Шунингдек у питтинг коррозиясига 
чидамлидир. Хромнинг сулфат кислотасида эришининг қутбланиш эгрилиги 
7.2-расмда келтирилган (2 эгрилик). Пассивланиш соҳаси темирга нисбатан 
янада манфийроқ потенциалда бошланади, пассивланишнинг критик токи эса 
икки маротаба кичик. Бу хромнинг пассивланишга темирга нисбатан янада 
юқори мойилликка эга эканлигидан далолат беради.