Dori vositalarining sanoat texnologiyasi

YUqori haroratda – organizm qizib ketadi, terlaydi, mehnatga layoqat sustlashadi. Ishchi e’tibori sustlashib, baxtsiz hodisaga olib kelishi mumkin.
Havoning yuqori namligi teri va o‘pkaning ustki qismidan namlikning bug‘lanishini qiyinlashtiradi va og‘ir–oqibatda organizmning termoregulyasiyasi buzilishiga, inson ahvolining yomonlashuvi, mehnatga layoqatlilikning sustlashuviga olib keladi.
Past namlikda (< 20%) – yuqori nafas yo‘llarining shilliq pardalari qurib qolishi kuzatiladi.
Havo harakati tezligi. Inson v=0,15 m/sek.da havo harakatini seza boshlaydi. Havo oqimining harakati uning haroratiga bog‘liq. 360 S > t da oqim insonga salqinlatuvchi ta’sir, 400 S < t da noqulay, yomon, salbiy ta’sir ko‘rsatadi. Agar havoning tezligi 0,1 m/s dan kam bo‘lsa xavo dim bo‘ladi, 0,25 m/s dan ortik bo‘lsa elvizak bo‘ladi. Ma’lumki, ikkala xolatda xam inson sog‘lig‘i va ish qobiliyati yomonlashadi. Atrof muxit bilan insonning normal issiqlik almashinuvi bo‘lishi uchun mikroiqlim ko‘rsatkichlarining ma’lum ko‘rsatkichlarga ega bo‘lishi muxim xisoblanadi. Ularning xammasi me’yorlashtirilishi zarur. Bunda quyidagi omillar xisobga olinadi:
-yil fasllari (yilning issiq davrida havoning o‘rtacha sutkalik harorati + 100 C dan yuqori, yilning eng sovuq davrida + 100 C va undan past);
-energiya sarfi darajasi bo‘yicha ish kategoriyalari (I – engil, II – o‘rtacha og‘irlikdagi, III – og‘ir ishlar);
-ish bajarilish vaqti.
Ilmiy tadqiqotlar natijasida mikroiqlim xolatini xarakterlovchi ushbu ko‘rsatkichlarning optimal miqdorlari o‘rnatilgan bo‘lib, bu sharoitda ishchi o‘zining barcha imkoniyatlarini ishga solish imkoniyatiga ega bo‘ladi. Eng qulay sharoitlar–termoregulyasiya mexanizmlari kuchlanishisiz organizmning normal issiqlik ahvolini ta’minlovchi hamda uzoq va muntazam insonga ta’sir qiluvchi mikroiqlim o‘lchamlarining yig‘indisidir. YUqoridagilarni xisobga olgan xolda ishlab chiqarish xonalarining mikroiklim xolatini me’yoriy miqdorlari GOST 12.1.005-76; 12.1.088-88; «Ish joyining xavosi. Umumiy sanitar-gigienik talablar» bo‘yicha SN 245-71; SNiPP 04-05-87 asosida o‘rnatilishi talab etiladi.
Sanoat korxonalari xonalarining xarakteri, yil fasllari va ish kategoriyasiga qarab, ulardagi harorat, nisbiy namlik va havo harakatining ish joylari uchun ruxsat etilgan normalari belgilangan.