Dori vositalarining sanoat texnologiyasi

TEXNOLOGIK JARAYON TAVSIFI

1. 
   Xom ashyo va yordamchi moddalarni tayyorlash
   

Xom ashyo saqlanuvchi ombordan 1 ta seriyadagi shamchalarni tayyorlash uchun kerak bo’lgan xom ashyoning yetarli miqdori keltiriladi. Xom ashyoning birlamchi qadog’i buzilmagan bo’lishi lozim. Xom ashyoning sifat sertifikati va saqlash muddatiga e’tibor qaratiladi.Tarani tashqi ko’rikdan o’tkaziladi va uni ishlab chiqarish retsepturasiga asosan tortish zonasiga o’tkaziladi.
Xom ashyoni tortish
Zarur bo’lsa diklofenak natriyni maydalanadi va teshigining diametri 0,16 mm bo’lgan elak yordamida elanadi.Ishlab chiqarish retsepturasiga asosan toriladi:

1. 
   Diklofenak natriy 10,0 kg
   
2. 
   Setil spirti 2,0 kg
   
3. 
   Suppotsir (vitepsol yoki estarinum massasi) 188,0 kg
   

2. 
   Asosni suyultirish
   

Suppotsir (vitepsol yoki estarinum massasi)ni 1 ta seriya uchun kerakli miqdordagisini olib ko’ylakchali aralashtirgichda 50-55º C haroratda suyultiriladi.

3. 
   Shamcha asosiga setil spirti va diklofenak natriyni qo’shish
   

Suyultirilgan asosning bir qismiga 2,0 kg setil spirtini solinadi va aralshtiriladi, so’ng 10,0 kg diklofenak natriyni qo’shib bir xil massa hosil bo’lguncha aralashtiriladi. Hosil bo’lgan aralashmaga suyultirilgan asosning ikkinchi qismi solinadi va aralashma 27,5- 38,0ºC haroratgacha sovutilib, gomogen massa hosil bo’lguncha aralshtiriladi.
Laborator analizi uchun namuna olinadi va qoniqarli natija olingandan so’ng tayyor aralashma dozatorli bunkerga o’tkaziladi.

4. 
   Polivinilxlorid plyonkani tayyorlash va yacheykalarni xosil qilish
   

Ikki qavatli polivinilxlorid plyonka qizib turgan matritsa orqali o’tadi va yacheyka xosil bo’ladi. Yacheykani shamchaning asos qismi joylashadigan tomoni ochiq bo’ladi.

5.