Дори моддалари миқдорини аниқлаш усуллари

Тимол

Броматометриянинг тескари, яъни титрантнинг ортиқчаси бўйича қайта титрлаш усулидан ҳам кенг фойдаланилади. Бу усулда реакциянинг охирги босқичи йодометрик усул билан якунланади.

Перманганометрия

• фармацевтик таҳлилда, титрант сифатида кўпинча калий перманганатнинг 0,1 моль/л ли эритмаси ишлатилади. Бу усул сульфат кислота муҳит ида препаратларни бевосита титрлаш ва аксинча титрантнинг ортиқчаси бўйича, яъни қайта титрлаш йўли билан аниқланади.
• Перманганометриянинг бевосита титрлаш усулида тит­рантнинг ўзи индикатор вазифасини бажаради ва титрлаш суюқлик пушти рангга бўялгунга қадар олиб борилади. Масалан, бу усул бўйича водород пероксид, гидроперит, магний пероксид, қайтарилган темир, темир (II) сульфатга ўхшаш препаратлар, сульфат кислота иштирокида суюқлик пушти рангга ўтгунича калий перманганатнинг 0,1 моль/л эритмаси билан титрлаб аниқланади.

Перманганометриянинг, титрантнинг ортиқчаси бўйича қайта титрлаш усули натрий нитритнинг миқдорини аниқлашга тавсия этилган. Бунда маълум миқдор препарат сақланган эритмага ортиқ ҳажмда калий перманганатнинг 0,1 моль/л ли эритмаси ва сульфат кислотани қўшиб, маълум вақтгача қўйиб қўйилади. Сўнгра эритмага калий йодид қўшилади ва ажралиб чиққан эркин йод натрий тиосульфатнинг 0,1 моль/л ли эритмаси билан титрланади

КОМПЛЕКСОНОМЕТРИК ТИТРЛАШ УСУЛИ

• Комплексонометрия икки, уч ва тўрт валентли ишқорий-ер ва оғир металл тузларининг миқдорини аниқлашда бир хиллаштирилган усул бўлиб, у металл ионларининг турли аминополикарбон кислота ва уларнинг натрийли тузлари (комплексонлар) билан сувда эрувчан ва бирмунча барқарор ички комплекс тузлар ҳосил қилишига асосланган.

металл — индикаторлар

• Комплексонометрия усулида қўлланадиган индикаторлар металлохром ёки металл — индикаторлар деб аталади. Улар кимёвий тузилишлари жиҳатидан турли, гуруҳ органик буёқ (диазобуёқ трифенилметан қатор бўёқлар) моддалар бўлиб, маълум муҳитда металл ионлари билан тегишли рангга бўялган комплекс тузлар ҳосил қилади.
• Металл индикаторларга қўйилган асосий талаблардан бири уларнинг металл ионлари билан ўзаро реакцияси қайтар бўлиши, иккинчидан, эса индикаторни металл билан ҳосил қилган комплекс бирикмасининг барқарорлиги, айни металлнинг титрант, яъни трилон Б билан ҳосил қилган комплекс бирикмасига нисбатан кам бўлиши лозим.