Donolar bisotidan

DONOLAR BISOTIDAN

(Shart maylidagi fe'lning kerak, bo'ladi so'zlari bilan qo'llanishi)

1-soat

Darsning maqsadi:

1. Ta'limiy maqsad. O'z­bek tilida shart maylidagi fe'lning bo'ladi fe'li bilan qo'llanishi, bunda ifoda­lanadigan ma'nolar haqida ma'lumot berish.

2. Tarbiyaviy maqsad. O'quvchilarga hikmatlar bilan ish ko'rish turmush qiyinchiliklarini yengib o'tishga yordam berishini uqtirish, ularni hikmatlarni chuqur o'zlashtirishga undash.

3. Rivojlantiruvchi maqsad. O'quvchilarning mustaqil fikrlashi hamda og'zaki va yozma nutqini rivojlantirish

Darsning vositalari va jihozlanishi. „O'zbek tilt darsligi, „Hikmatlar" kitobi, rasmlar, slaydlar.

Darsda qo'llanadigan metodlar. „Klaster" usuli, suhbat.

Darsdan kutiladigan BKM natijalari. O'quvchilar o'zbek tilida shart maylidagi fe'lning bo'ladi fe'li bilan qo'llanishi, bunda ifodalanadigan ma'nolar haqida nazariy bilimga ega bo'ladilar, ularning lug'ati hikmatlar va maqollar bilan boyitiladi; ularda ushbu hikmatlar va maqollarni nutqda qo'llash ko'nikmasi hosil bo'ladi; og'zaki va yozma nutqiy malaka shakllanadi.

Dars rejasi

1. Tashkiliy qism. Uy vazifasini so'rash va baholash7 daqiqa

2. Yangi mavzuga kirish. 1-topshiriqdagi suhbat matnini rollarga bo'lib o'qish. „Donolar bisoti" matni ustide ishlash (1-mashq)8 daqiqa

3. Grammatik qoida bayoni7 daqiqa

4. Grammatik ma'lumotni mustahkamlash (2-4-mashqlar)10 daqiqa

5. Nutqiy mavzuni mustahkamlash. „Bobolar hikmati" matni ustida ishlash (2-topshiriq). Suhbatni rolli o'qish (3-topshiriq). Hikmatlar ustida ishlash (4-topshiriq) 10 daqiqa

6. Uyga vazifa va o'quvchilar bilimini baholash3 daqiqa