Donolar bisotidan

Darsning rejasi:

1. Tashkiliy qism. Uy vazifasini so'rash va baholash7 daqiqa

2. „Hikmatli savol-javoblar" suhbat matnini o'qitish (4-topshiriq)8 daqiqa

3. Grammatik qoida bayoni7 daqiqa

4. Grammatik ma'lumotni mustahkamlash (5-6-mashqlar)10 daqiqa

5. Adabiy o'qish. „Nima eksang, shuni о 'rasan" rivoyatini o'qitish. Lug'at ustida ishlash10 daqiqa

6. Uyga vazifa va o'quvchilar bilimini baholash3 daqiqa

Darsning borishi:

1. Tashkiliy qism. O'quvchilar uyda bajarib kelgan vazifa tekshiriladi va baholanadi.

2. O'tilganlarni takrorlash. O'quvchilarga 4-topshiriqdagi „Hikmatli savol-javoblar" suhbat matni rollo o'qitiladi. O'qituvchi o'quvchilarning har bir savol va javobning ma'nosini tushunib borishlariga ko'maklashib turadi, so'ngra o'quvchilar e'tibori ajratib ko'rsatilgan so'zlarga qaratiladi. O'qituvchi bu so'zlar ifodalayotgan ma'nolarni tushuntiradi, so'ngra grammatik qoida bayoniga o'tadi.

3. Grammatik qoida bayoni. Ushbu darsda o'zbek tilida shart maylidagi fe'llar kerak so'zi bilan qo'llanganda gumon, taxmin ma'nolarini bildirishi haqida nazariy ma'lumot beriladi. O'qituvchi o'quvchilarni darslikdagi qoida bilan tanishtiradi va misollar vositasida nazariy ma'lumotni mustahkamlaydi.

4. Grammatik ma'lumotni mustahkamlash uchun 5- va 6-mashqlar yozma bajartiriladi. 5-mashq namuna asosida bajartiriladi.O'quvchilar berilgan fe'llarni kerak so'zi bilan bog'lab, ularishtirokida gaplar tuzib yozishlari kerak.

Namuna: g'olib chiqmoq. Bilimlar bellashuvida Akmal g'olib chiqsa kerak.

6-mashqda esa qavs ichida berilgan fe'llarga kerak, bo'lmoq so'zlaridan mosini qo'shib yozadilar va ma'nolaridagi farqlarni tushuntiradilar.

5. Adabiy o'qish uchun „Nima eksang, shuni o'rasan" rivoyati „Zanjir" usulida o'qitiladi va mazmuni so'zlatiladi. Rivoyat yuzasidan savol-javob o'tkaziladi. Uyga vazifa: Rivoyat mazmunini so'zlab berish va farzandning ota-ona oldidagi burchlarini aytib berish.

6. Darsni yakunlash. O'qituvchi mavzu yuzasidan berilgan savol va topshiriqlar asosida mavzuni umumlashtiradi. Bunda „Aqliy hujum" usulidan foydalanish tavsiya etiladi. So'ngra darsda faol qatnashgan o'quvchilar baholanadi.