Домкрат,чиғир ва таллар. Қурилиш кўтаргичлари. Минорали кранлар

9.1.5.Таллар
Бирор баландликка ўрнатилган юк кўтариш механизми таль дейилади. Таллар юкни баландликка кўтариш, пастга тушириш ҳамда юкни бирор масофага силжитиш учун хизмат қилади.
Таллар юкларни қўл кучи ѐрдамида ѐки электродвигатель ѐрдамида кўтариши мумкин. Электродвигатель ѐрдамида юк кўтарадиган тальлар электроталь дейилади.
Қўл кучи ѐрдамида ишлатиладиган, кўтариш механизмига червякли узатма ўрнатилган тальлар жуда кенг тарқалган. Уларнинг ўлчамлари стандартлаштирилган бўлиб, (ДАСТ 1107-60, ДАСТ 2799-54) фойдали иш коэффициенти η = 0,55…0,956 юк кўтариш тезлиги V = 0,13…2,65 м/мин, массаси 20 тоннагача бўлган юкларни кўтаради.
Электротальлар V = 3…15 м/мин тезлик билан массаси 0,1…15 тоннагача бўлган юкларни Н = 6…30 м баландликка кўтара олади.
9.4-расмда қўл кучи ѐрдамида ишлатиладиган тальнинг кинематик схемаси келтирилган. Бундай тальларда юк юк осиш, (юк илиш) мосламаси 12 га осилади. Кўтариш механизми занжир 9 воситасида ишга туширилади. Ишчи занжир 9 ни тортганда занжир юлдузча 8 ни айлантиради. Ҳаракат юлдузчадан таль юритмаси 10 орқали барабан 13 га узатилади. Барабан айланганда унга арқон 11 ўралади. Арқон юк осиш мосламасини юк билан бирга юқорига кўтаради.
Ю к бирор масофага кўтарилганда уни тўхтатиш учун юлдузча 8 валига тўхтатгич ѐки тормоз 7 ўрнатилади. Юкни кўтараѐтганда кучдан ютиш мақсадида полиспастдан фойдаланилади. Полиспаст тортувчи арқон 11 ва қўзғалувчан блок 12 дан ташкил топган. Юкни бирор масофага силжитиш керак бўлса, силжитиш механизмидан фойдаланилади. Силжитиш механизми занжир 1 воситасида ишга туширилади. Занжир 1 юлдузча 2 ни, юлдузча эса, юк силжитиш механизми 3 ни ҳаракатга келтиради. Силжитиш механизми юритмасининг етакланувчи валига ўрнатилган (ғилдираклар) катоклар 4 монорельс 5 бўйлаб ҳаракатланади ва талнинг силжитиш механизми 6 ҳаракатга келади.

9.4-расм. Дастаки талнинг кинематик схемаси:
1-силжитиш механизми занжири, 2-силжитиш механизми юлдузчаси,
3-силжитиш механизмининг юритмаси, 4-каток, 5-монорельс, 6-силжитиш механизми, 7-тормоз, 8-кўтариш механизмининг юлдузчаси, 9-кўтариш
механизмининг занжири, 10-кўтариш механизми юритмаси, 11-арқон, 12-илгак осмаси; 13-барабан.