Doim yashil sarv Sharq biotasi, platikladus

3-rasm. Sabina archasi (Juniperus Sabina)

Sabina archasi aprel-may oyida gullaydi. Ikki uyli oʻsimlik xisoblanadi, qubbalari 8 mm, eniga kulrang-qora rangda, oqish-koʻkish gʻubor bilan qoplangan 2-6 mm meva bandida osilib turadi. Bu archaning ildiz tizimi tuproqning yuza qismida joylashadi, tuproqqa va namga kam talabchan. Sovuqqa chidamli, sekin oʻsadi. Bu tur asosan urugʻidan va qalamchalaridan koʻpayadi.
Ninabargi, qubbasi va shoxlarida zaxarli xossalarga ega efir moyi mavjud. Bu archa turi boshqa turlar bilan archazorlar hosil qiladi, ular suvni saqlash, tuproqni himoyalash kabi muhim oʻrmonmeliorativ funksiyalarni bajaradilar. Landshaft kompozitsiyalarini barpo etishda keng qoʻllaniladi.
Doim yashil sarv (Cupressussempervirens).Sarvidoshlar oilasiga mansubboʻlib,balandligi 25 m gacha yetadigan (baʼzan 30 m) keng shox-shabbali tik oʻsuvchi daraxt. Soyaga chidamli, ayniqsa yoshlik davrida boshqa daraxtzorlarning shox-shabbalari ostida koʻp vaqt soyaga chidaydi. Bundan tashqari uzoq vaqt davom etgan qurgʻoqchilikka ham chidamlidir, qisqa davomli salbiy –20⁰S gacha xaroratga chidaydi.
Tuproqqa kam talabchan, toshloq, ohakli, hamda quruq yengil tuproqlarda xam oʻsadi, ammo tuproq kuchli shoʻrlanmagan boʻlishi zarur. Yumshoq, chuqur tuproqlarda yaxshiroq oʻsadi. Ortiqcha namli tuproqlarda koʻp yashamaydi va shamoldan zararlanadi