Dissertatsiya ishi mavzusini tanlash bo`yicha Asosnoma

Dissertatsiya ishining davlat dasturlari yoki ilmiy –tadqiqot ishlari rejalari bilan bog`liqligi. O`zbekiston Respublikasi Konstitutsiyasi, O`zbekiston Respublikasining “Ta`lim to`grisida” gi Qonuni, O`zbekiston Respublikasining “Maktabgacha ta`lim va tarbiya to`g`risida”gi Qonuni, O`zbekiston Respublikasi Prezidentining “Maktabgacha ta`lim tizimini 2030-yilgacha rivojlantirish konsepsiyasini tasdiqlash to`grisida”gi Qonuni, O`zbekiston Respublikasi Vazirlar mahkamasining 2019-yil 13-maydagi “Maktabgacha ta`lim tashkilotlari faoliyatini yanada takomillashtirish chora tadbirlari to`g`risida”gi 391-sonli Qarori, O`zbekiston Respublikasi Maktabgacha ta`lim vazirligining “Ilk qadam” o`quv dasturi hamda mazkur sohaga oid boshqa me`yoriy – huquqiy hujjatlarda belgilangan vazifalarni amalga oshirishda mazkur dissertatsiya tatqiqoti muayyan darajada xizmat qiladi.
Tadqiqotning o`rganilganlik darajasi: P.Yusupova, F.R.Qodirova. R.M. Qodirova, D.Abdurahimova, X.B.Tulemova, D.R.Babayeva, G.X.Jumasheva, X.I.Kasimova, M.SH.Rasulova, M.A.Solihova, K.S.Shodiyeva, Sh.A.Sodiqova va boshqalar tomonidan maktabgacha ta`lim tashkilotlari faoliyatining mazmuni, maktabgacha yoshdagi bolalarni ma`naviy axloqiy, jismoniy va psixologik jihatdan tarbiyalash, ularda muomala madaniyati va nutq ko`nikmalarini hosil qilish, bolalarni maktab ta`limiga tayyorlash muammolari hal etilgan.
Tadqiqotning maqsadi:
Maktabgacha ta`lim tashkilotlarida rivojlantiruvchi muhitni tashkil etib, uni yanada rivojlantirib bolalar tarbiyaviy jarayoniga samarali yondashish.
Tadqiqot vazifalari:
-Maktabgacha ta`lim tashkilotlarida bolalarni o`quv tarbiyaviy jarayonida faol ishtirokini ta`minlash.
- Maktabgacha ta`lim tashkilotlarida rivojlantiruvchi muhitni tashkil etishda metodik tavsiyalar ishlab chiqish.
Tadqiqot obyekti: Maktabgacha ta`lim tashkilotlarida 5 ta markaz orqali rivojlantiruvchi muhitni tashkil qilish.
Tadqiqot predmeti: Maktabgacha ta`lim tashkilotlari o`quv jarayonida bolalarni faol ishtirokini ta`minlash mazmuni, modeli, shakli va vositalari.