|
1.3-расм. ИР 500МФ4 моделли кўпоперацияли дастгоҳ.
Дастгоҳ CNC тоифасидаги юқори класс РДБ позиция-контурли система билан жиҳозланган.Бу дастгоҳда қуйидаги силжишлар: стойканинг кўндаланг , столнинг бўйлама, шпинделли бабканинг вертикал, буриш столининг айланма силжишлари дастурланади.
Чизиқли силжиш қадами 0.002 мм. Тескари боғланиш датчиклари сифатида револғверлар ишлатилади. Дастур РДБ қурилмасига перфолента орқали ёки пултдаги ҳарф- рақамли клавиатура ёрдамида қўл билан, шунингдек дастур тўплагич, телетайп ёки марказий ЭХМ воситасида киритилиши мумкин.
Дастгоҳда асосий ҳаракат учун ростланадиган ўзгармас ток электродвигатели ва суришлар юритмасида редукторсиз кенг миқёсда ростланадиган катта моментли двигателлар ишлатилгани туфайли кинематик схема анча оддий тузилган.Асосий ҳаракат юритмасида шпинделнинг айланиш частоталарини ростлаш чегараларини кенгайтириш учун узатиш нисбати
ва
бўлган икки поғонали тезликлар қутиси ишлатилади.
Дастгоҳнинг асосий кўрсаткичи стол иш юзасининг ўлчамларидан (иборат. Бу ўлчамлар дастгоҳ моделининг белгисида кўрсатилади. Мазкур дастгоҳда стол иш юзасининг ўлчамлари 500 500 мм бўлиб, унга узунлиги 200-500мм ли ўртача корпус деталларни ўрнатиш мумкин
Дастгоҳнинг техник тавсифи.
Стол ишчи юзасининг ўлчамлари, мм ..................................... 500 500
Шпинделнинг айланиш частоталари сони ........................................ 89
Шпинделнинг айланиш частоталари чегараси, айл/мин.............21-3000
Суришни ростлаш.......................................................................поғонасиз
Иш бажарувчи органлар (стол, стойка,шпинделли бабка) ни суриш чегаралари мм/мин............................................................................1-2000
Силжиш, мм:
стойканинг Z ўқи бўйлаб бўйлама силжиши.............................500
столнинг X ўқи бўйлаб кўндаланг силжиши.............................500
шпинделли бабканинг Y ўқи бўйлаб вертикал силжиши.........800
Силжишлар қадами, мм..................................................................0.002
Позицияларга ўрнатиш аниқлиги,мм............................................0.025
Столни буриш аниқлиги, бурчак секундалари................................. 3
Магазиндаги асбоблар сони,дона.......................................................30
Асбобни алмаштиришга сарфланадиган вақт, с.................................6
Координаталар сони .............................................................................4
Бир вақтда бошқариладиган координаталар сони..............................2
РДБ қурилмасининг тоифаси.........................................................CNC
Асосий ҳаракат электродвигателининг қуввати, кВт.......................14
Бозор иқтисоди шароитида тўлиқ автоматлаштирилган тарзда ишлайдиган “Одамсиз технолгиялар”да ҳам кенг қўлланиладиган ИР 500МФ4 моделли кўп операцияли дастгох модули қўлланилади.
Тана кўринишидаги деталлар учун мосланувчан ишлаб чиқариш модули кесиш асбоблари магазини билан таъминланган кўпоперацияли дастгох, йўлдош мосламалар тўплагичи,. йўлдош мосламларни дастгох столига юклаш ва тушириш қурилмаси, қириндиларни йиғиштириш қурилмаси, назорат-ўлчаш тизимиданн ташкил топади.
Масалан, 4.3 расмда Иванова дастгоҳсозлик ишлаб чиқариш бирлашмасининг ИР 500МФ4 моделли кўп операцияли станоги базасида яратилган “Модул - 500” ишлаб чиқариш модули кўрсатилган.
1. 4- расм. “Модул - 500” ишлаб чиқариш модули
Модулнинг асосий қисми ишлов бериладиган деталлар учун йўлдошлар тўплагичи хисобланади. Йўлдошларни борлиги автомат равишда датчиклар ёрдамида аниқланади. Алохида қисм сифатида кесиш асбобларини магазини ва асбобларни алмаштириш қурилмаси бор. Кесиш асбоблари дастур асосида автоматлаштирилган тарзда алмаштирилади. Марказий ЭХМ дан асбобларни алмаштириш ҳақидаги буйруғ берилгандан сўнг шпиндел алмаштириш майдонига (манипулятор ёнига) кўтарилади. Манипулятор ёрдамида асбобларни алмаштириш амалга оширилади. Сўнгра шпиндель яна ишлов бериш майдонига қайтади.
Назорат ўлчаш тизими ўлчаш каллаги ва маълумотларни тахлил қилиш блогидан иборат. Ўлчаш каллаги аналогли – индуктив тизим ва ўзгартиргичдан иборат. Маълумотларни тахлил қилиш блогида қабул қилувчи қисм ва микропроссесор ҳамда РДБ системасига коррекция ҳақидаги маълумотларни узатиш қурилмаси бор.
Do'stlaringiz bilan baham: |
