Диссертация илмий раҳбар: т ф. д. Э. Р. Тураев Тошкент-2021 йил. Мундарижа

Диссертация мавзусининг диссертация бажарилаётган илмий-тадқиқот муассасининг илмий-тадқиқот ишлари билан боғлиқлиги. Диссертация тадқиқоти Тошкент кимё-технология илмий тадқиқот институти илмий-тадқиқот ишлари режасининг ПЗ-201709-268 «Теплицалар учун эксплатацион даври 1 йилдан 3 йилгача бўлган плёнкалар ишлаб чиқариш учун қўшимчалар (стабилизаторлар) ишлаб чиқиш» (2018-2020 йй.) ва А 12-007 «Маҳаллий хомашёлар асосида сулфохлорланган полиэтилен олиш ва уни каучук, адгезив қопламалар сифатида қўллаш» (2015-2017 йй.) мавзусидаги амалий лойиҳалар доирасида бажарилган.
Тадқиқотнинг мақсади: шиша тола ва базалть толалар асосида модификацияланган полимер композит материалларни яратиш ва олиниш технологиясини ишлаб чиқишдан иборат.


Тадқиқотнинг вазифалари:
Маҳаллий хомашёлар асосида олинган модификаторларни синтез қилишнинг оптимал шароитларини аниқлаш;
Танлаб олинган модификаторларнинг таркиби, тузилиши ва ҳоссаларини физик-кимёвий усуллар орқали ўрганиш;
Шиша ва базалть толали модификаторлар асосида термик барқарор ва механик мустаҳкам композит материаллар олиш;
модификаторларнинг табиати ва концентрациясига боғлиқ равишда полимер нанокомпозитларини олиш технологиясини ишлаб чиқиш;
олинган композит материалларнинг термик, физик-механик ва ўтга чидамлилик хусусиятларини тадқиқ этиш;
ПЭ, ПП ва ПА ларни шиша ва базалть толали модификаторлар асосида модификациялаб олинган композит материалларнинг физик-кимёвий хоссаларини тадқиқ этиш.
Тадқиқотнинг объекти шиша тола, базалть тола, полиэтилен, полипропилен, полиамид полимерлардан фойдаланилган.
Тадқиқотнинг предмети. ПЭ, ПП, ПА ва модификацияланган модификаторлар тури ҳамда миқдорининг полимер нанокомпозитлар шаклланишига таъсирини тадқиқ этиш, шунингдек, нанозаррачали модификаторлар асосида полимерли нанокомпозит олиш технологиясини яратишдан иборат.
Тадқиқотнинг усуллари. Диссертация ишида кимёвий, термокимёвий, термомеханик, ИҚ- спектроскопия, колориметрик, оқувчанлик, физик-механик усуллар, бундан ташқари коллоид-кимёвий, физик-механик ва технологик хоссаларини аниқлашда стандартлаштирилган синов услубларидан фойдаланилган.