Диссертация илмий раҳбар: т ф. д. Э. Р. Тураев Тошкент-2021 йил. Мундарижа

Тадқиқотнинг Республика фан ва технологиялари ривожланишининг устувор йўналишларига боғлиқлиги. Мазкур тадқиқот Республика фан ва технологиялар ривожининг VII. «Кимё технологиялар ва нанотехнологиялар» уcтувор йўналишига мувофиқ бажарилган.
Диссертация мавзуси бўйича хорижий илмий-тадқиқотлар шарҳи².
Полимерлар асосида композит материаллар олиш бўйича йўналтирилган илмий изланишлар жаҳоннинг етакчи илмий тадқиқот марказлари ва олий таълим муассасаларида, жумладан, Dutch Polymer Institute (Германия), Cambridge University (Англия), State University, New Jersey Institute of Technology (США), American Chemical Society (США), Polish Academy Sciences (Польша), Institute of Polymer Science and Engineering (Taiwan), Л.Я. Карпов номли илмий тадқиқот институти, Россия кимё технология университети, Кабардин-болқор давлат университети (Россия), Ижодий инженер пластик маркази (Жанубий Корея), Sumitomo Chemical (Япония) ва Тошкент кимё-технология илмий тадқиқот институтида (Ўзбекистонда) олиб борилмоқда.
Турли реакцион фаол модификаторлар ёрдамида, янги полимер композит материалларни яратишга оид жаҳонда олиб борилган тадқиқотлар натижасида қатор, жумладан, қуйидаги илмий натижалар олинган: монтмориллонитни реакцион модификация қилиш шароитлари аниқланган (Кабардин-болқор давлат университети, Россия), комплекс хоссалари яхшиланган нанокомпозитлар яратилган (Л.Я. Карпов номли илмий тадқиқот институти, Россия), суюқланиш жараёнида аралаштириш усули билан полимер композит яратиш технологияси яратилган ва заррачаларнинг ўлчамлари композитнинг коллоид-кимёвий, физик-механик хоссаларига таъсири аниқланган (Sumitomo Chemical, Япония), нано ўлчамли металл заррачаларини полимернинг коллоид-кимёвий, физик-механик хоссаларига таъсири аниқланган (М.В. Ломоносов номидаги Москва давлат университети, Россия), маҳаллий монтмориллонитни реакцион модификация қилиш ва улар асосида компуандлар яратиш шароитлари аниқланган (Тошкент кимё-технология илмий тадқиқот институти, Ўзбекистон).
Дунёда композит материалларни турли реакцион фаол модификация қилинган минерал модификаторлар ёрдамида олиш технологияси бўйича қатор, жумладан, қуйидаги устувор йўналишларда тадқиқотлар олиб борилмоқда: модификация қилинган микро ўлчамли заррачаларнинг полимер хоссаларига таъсирини аниқлаш; модификация қилинган нано ўлчамли заррачаларнинг полимер хоссаларига таъсирини аниқлаш; металл бирикмали модификаторлар тузилишларининг полимерлар хоссасига таъсирини асослаш; паст ва юқори молекулали реакцион фаол тўлдирувларни полимерларга таьсирини аниқлаш.