Дипломатия университети " Халқаро иқтисодиёт ва Менежмент"

II БОБ. ДУНЁДА МЕҲНАТ МИГРАЦИЯСИНИНГ ҲОЗИРГИ ҲОЛАТИ ТЕНДЕНЦИЯЛАРИ
2.1. Дунёда меҳнат миграциясининг асосий тенденциялари
Иқтисодий тараққиёт аҳоли сонига, унинг меҳнатга лаёқатли қисми миқдорига ва ҳудуд бўйлаб қандай жойлашганлигига боғлиқ. Ривожланган мамлакатларда XXI аср бўсағасида меҳнат ресурсларининг умумий ва таркибий етишмовчилиги кузатилмоқда. Аҳоли сонининг қисқариши, қарияларнинг кўплиги, аҳолининг қариши, меҳнатга лаёқатли ва меҳнатга лаёқатсиз қисмлари ўртасидаги нисбатларнинг ўзгариши яқин келажакда ривожланган мамлакатларнинг демографик кўринишини янада яққолроқ кўрсатиб беради³⁰. Бугунги кунда Халқаро Меҳнат Ташкилотининг маълумотларига кўра, иммигрантлар ривожланган мамлакатларнинг демографик ҳолатини яхшилайди. Францияда, Германияда, Швецияда ҳамма туғилаётган ёш чақалоқларнинг 10% и кўчиб келганлар ҳиссасига тўғри келади. Бу кўрсаткич Швейцарияда − 24%, Люксембургда − 38% ни ташкил этади.
Жаҳонда меҳнат мигрантлари ҳуқуқларини ҳимоя қилиш ва миграцион жараёнларни самарали, оқилона ва барқарор бошқариш воситаларини шакллантириш учун умумий ёндашув ва стратегияларни ишлаб чиқиш, ҳаракатларни мувофиқлаштириш ва инсон ресурсларини сафарбар қилишнинг илмий асосларини тадқиқ этишга алоҳида эътибор қаратилмоқда. Хусусан, амалга оширилаётган илмий изланишлар таркибида меҳнат миграциясининг ҳозирги тенденцияларини, унинг замонавий меҳнат бозори шаклланишига таъсирини ўрганиш, миграция жараёнларини тартибга солишнинг иқтисодий, ижтимоий ва ҳуқуқий механизмларини такомиллаштириш, интеллектуал миграция ва унинг аҳолини иш билан бандлигига таъсирини меҳнат миграциясининг муҳим компоненти сифатида тадқиқ этиш ҳамда меҳнат миграциясининг иқтисодий тараққиётга таъсирини баҳолаш бўйича комплекс тадқиқотлар олиб борилмоқда.

Меҳнат миграциясини қабул қилувчи мамлакат учун хорижий меҳнат ресурсларидан фойдаланиш оқибатлари