Диплом иловаларидаги фанларни тавсифлаш учун намунавий матнлар

Дарс номи: ЖИСМОНИЙ ТАРБИЯ
Ажратилган соат: 000 (назарий 000 соат, амалий 000 соат)
Дарс мазмуни: ушбу дарсда талабаларга гимнастикага оид умумривожлантирувчи машқлар ва содда акробатика машқларини бажара олиш; жисмоний тарбия бўйича мустақил машғулотлар ўтказиш учун зарурий билимга эга бўлиш; спорт ва бошқа машғулотлар жараёнида жароҳатланганда биринчи тиббий ёрдам кўрсата олиш; жисмоний тарбия воситаларидан мустақил фойдалана олиш; кун тартибини тўғри ташкил эта олиш, ўзини ўзи назорат қилишда объектив ва субъектив маълумотлардан фойдаланишни билиш каби билим ва кўникмалар берилади.


Дарс номи: КИМЁ
Ажратилган соат: 000 (назарий 000 соат, амалий 000 соат)
Дарс мазмуни: ушбу дарсда кимёнинг асосий қонунларини, атом молекуляр таълимот моҳиятини билиш; кимёвий реакцияларнинг тезлиги, тезликка таъсир этувчи омиллар, активланиш энергияси, қайтар ва қайтмас жараёнлар, катализ, кимёвий мувозанат, Ле-Шателье тамойили тушунчаларини билиш; Менделеев даврий қонунини билиш ва шу каби кимёвий билимлар бўйича кўникмалар шакллантирилади.


Дарс номи: МАТEМАТИКА
Ажратилган соат: 000 (назарий 000 соат, амалий 000 соат)
Дарс мазмуни: ушбу фаннинг мақсади — ўқувчиларнинг илгари олган билимларини амалиётга тадбиқ қилишда абстракт ва мантиқий фикрлашини ўстириш; ўқувчиларни функциялар ва уларнинг хоссаларини математик анализ тушунчалари воситасида текширишга ўргатиш; тенглама ва тенгсизликларни ечишдаги математик усуллар моҳиятини системали равишда ўргатиш; ўқувчиларда масалалар ечиш ёрдамида мустақил мантиқий фикрлаш, эркин математик мушоҳада юрита олиш, маълум қарорлар қабул қила олиш, тиббиётда математик моделлаштириш услублардан фойдаланиш каби кўникмаларни шакллантиришдан иборат.


Дарс номи: НУТҚ МАДАНИЯТИ ВА ДАВЛАТ ТИЛИДА ИШ ЮРИТИШ
Ажратилган соат: 000 (назарий 000 соат, амалий 000 соат)
Дарс мазмуни: ушбу фан орқали ўқувчида ёзма ва оғзаки нутқни тўғри туза олиш; ўз фикрларини эркин, қисқа, мантиқли, таъсирчан, тўғри шаклда баён эта олиш; атамаларнинг луғавий фарқини билиш; сўз танлаш тамойиллари ва сўз қўллаш меъёрларини билиш; турли нутқий вазиятларда давлат тилида эркин мулоқотга кириша олиш; давлат тилида ҳужжатлар юрита олиш кўникмалари шакллантирилади.