Диплом иловаларидаги фанларни тавсифлаш учун намунавий матнлар

Дарс номи: ХИРУРГИЯ ВА РЕАНИМАЦИЯ
Ажратилган соат: 00 (назарий 00 соат, амалий 00 соат)
Дарснинг мазмуни: ушбу фанда хирургик касалликлар ва хирургик даволаш хусусиятлари; хирургик йул билан даволанаётган беморларда ҳамшира парваришининг хусусиятлари; беморларда операциядан олдин, операция вактида ва операциядан кейин ҳамширалик жараёни; реанимация ва интенсив терапия, шунингдек терминал ҳолатларда реанимация ва интенсив терапияни ўтаётган беморларда ҳамширалик иши хусусиятлари ҳақида зарур билим ва кўникмалар берилади.


Дарс номи: ТИББИЙ БИОЛОГИЯ ВА УМУМИЙ ГЕНЕТИКА
Ажратилган соат: 00 (назарий 00 соат, амалий 00 соат)
Дарснинг мазмуни: ушбу фанда одамнинг бисоциал табиати ва унинг биологияси, ҳужайранинг тузилиши ва функциялари, турнинг популяцион структураси, ДНК репликацияси ва унинг аҳамияти, классик генетика асослари, ирсиятнинг цитологик ва биокимёвий асослари, ирсий касалликлар патологияси, тиббиёт генетикасининг текшириш усуллари, ирсий касалликлар профилактикаси ва даволаш хусусиятлари ҳақида зарур билим ва кўникмалар берилади.


Дарс номи: ҚУЛОҚ, ТОМОҚ, БУРУН КАСАЛЛИКЛАРИ
Ажратилган соат: 00 (назарий 00 соат, амалий 00 соат)
Дарснинг мазмуни: ушбу дарсда қулоқ, бурун ва томоқ касалликларининг этиологияси, патогенези, клиникаси, асоратлари даволаш ва профилактикаси ва шошилинч холатларида тез ёрдам кўрсатиш асослари ўргатилади. Эшитиш ва мувозанат анализаторлари вазифасини текшириш, таҳлил қилиш; ЛОР аъзоларининг патологиялари диагностикаси бўйича клиник фикрлаш ривожлантирилади.


Дарс номи: ФИЗИОТЕРАПИЯ
Ажратилган соат: 00 (назарий 00 соат, амалий 00 соат)
Дарснинг мазмуни: ушбу дарс ўқувчиларда физиотерапевтик даволаш усулларининг ўзига хос хусусиятлари, табиий ва сунъий физик омилларнинг инсон танасига таъсир қилиш механизми, физиологик таъсири, қўлланилишига оид кўрсатма ва қарши кўрсатмалар, физиодаволаш ва физиопрофилактика тадбирлари каби мавзуларда зарур билим ва кўникмаларни шакллантиради.


Дарс номи: СОҒЛОМ ТУРМУШ ТАРЗИ (ВАЛЕОЛОГИЯ)
Ажратилган соат: 00 (назарий 00 соат, амалий 00 соат)
Дарснинг мазмуни: ушбу дарсда соғлом турмуш тарзи (валеология) турли хил тиббий, табиий, биологик, ижтимоий, иқтисодий, сиёсий, фалсафий, маърифий, маънавий ва бошқа фанлар асосида вужудга келган интегратив фан сифатида ўргатилади. Ўқувчиларда турли юқумли касалликлар ва зарарли одатларнинг инсон организми учун зарари, руҳий ва жисмоний тарбиянинг, соғлом турмуш тарзининг инсон саломатлиги учун аҳамияти борасида зарур билим ва кўникмалар шакллантирилади.