Диплом иловаларидаги фанларни тавсифлаш учун намунавий матнлар

Дарс номи: ЭСТEТИКА
Ажратилган соат: 000 (назарий 000 соат, амалий 000 соат)
Дарс мазмуни: Ушбу дарсда эстетик дид ва уни шакллантириш омиллари ва меъёрларини билиш; эстетиканинг асосий моҳияти бўлган гўзалликни идрок этиш; нафосатнинг инсон ижтимоий фаолиятидаги ўрнини, шахсни шакллантиришда маънавий маданиятнинг эстетик асосларини билиш; асосий эстетик категорияларни билиш; борлиққа, адабиёт ва санъатга нисбатан эстетик муносабатда бўлиш ҳамда теварак-атрофдаги табиат гўзаллигини ҳис эта олиш малакалари шакллантирилади.


Дарс номи: ФАЛСАФА
Ажратилган соат: 00 (назарий 00 соат, амалий 00 соат)
Дарснинг мазмуни: ушбу дарс ўқувчиларда фалсафий билимлар, қонунлар ва категорияларни ўрганиш орқали ҳаётда ўз ўрнини топиш, ўзининг энг олий мақсадини топиш ва унга эришиш йўлида мақсадли фаолият олиб бориш, жамият ҳаётидаги ижтимоий жараёнларга фалсафий тафаккур нуқтаи назаридан ёндашиш, воқеаларга шахсий, ижодий танқидий баҳо бериш, ўз-ўзини маънавий ахлоқий тарбиялаш, жамиятни демократлаштириш ва модернизациялаш жараёнида фаол иштирок этиш ҳиссини тарбиялаш каби билим ва кўникмаларни шакллантиради.


Дарс номи: ОДОБНОМА
Ажратилган соат: 00 (назарий 00 соат, амалий 00 соат)
Дарснинг мазмуни: ушбу фан мазмун-моҳияти жиҳатдан ўзбек миллий маънавияти ва миллий мафкураси билан ҳамоҳанг ва уйғун бўлиб, ўқувчиларда миллий тил, қадриятлар, муқаддас дин, азиз авлиёлар, мўътабар анъаналар, урф-одатлар, қадриятлар ва аждодларимизнинг дурдона меросларига таянган ҳолда таълим-тарбия ва одоб-ахлоқ борасидаги билим ва кўникмаларни шакллантиради.


Дарс номи: ФИЗИКА
Ажратилган соат: 000 (назарий 000 соат, амалий 000 соат)
Дарс мазмуни: бу фан орқали ўқувчи физиканинг ривожланиш тарихини, жамият ривожланишида физика ва техниканинг аҳамиятини ўрганади; табиат ҳодисаларини физик қонуниятлар асосида тушунтира олиш малакасига эга бўлади; физик формулалар ёрдамида масалалар еча олиш, физик қонуниятларни амалда қўллай олиш, ўлчов асбобларидан фойдалана билиш, ўлчаш хатолигини баҳолай олиш, тажрибаларни ўтказа олиш, натижаларни жадвал, график, диаграмма кўринишида тасвирлаш ва таҳлил қила олиш, физик асбоблар билан ишлашда техника хавфсизлиги қоидаларига риоя қилиш кўникмаларига эга бўлади.