Диплом иловаларидаги фанларни тавсифлаш учун намунавий матнлар

Дарс номи: АНАТОМИЯ (ОДАМ АНАТОМИЯСИ)
Ажратилган соат: 00 (назарий 00 соат, амалий 00 соат)
Дарснинг мазмуни: Анатомия модули клиника олди блокига тааллуқли. Анатомия модули дастури соғлом инсон танаси, аъзо ва тўқималарининг тузилиш қонуниятлари, одам организмининг индивидуал тузилиши, ёшга қараб ўзгариши, жинсий хусусиятлари, ҳомила даврида бўладиган ўзгариши (онтогенез), топографик муносабатлари, рентгенологик анатомияси, туғма нуқсон – аномалия ҳолатлари, ташқи муҳит ва меҳнатнинг организмга таъсирини эътиборга олган ҳолда комплекс ўргатишга қаратилган. Анатомия модули патологик физиология, патологик анатомия ва барча клиник модулларни ўрганишда катта аҳамиятга эга ва назарий билимларни амалиёт билан боғлайди. Анатомия модули дастурида одам организми ва аъзоларининг соғлом шароитдаги тузилишини тизимли ўрганиш ва уларнинг вазифаси билан узвий боғлиқлигини (функционал анатомия) кўзда тутади, бу талабада клиник фикр юритишнинг ривожланишини таъминлайди.


Дарс номи: НОРМАЛ ФИЗИОЛОГИЯ
Ажратилган соат: 00 (назарий 00 соат, амалий 00 соат)
Дарснинг мазмуни: Физиология модули ўқув режанинг клиникагача модуллар блокига тааллуқли. Ушбу дарс талабаларга ҳаёт жараёнида одамнинг функциялари шаклланишининг асосий қонуниятлари, нормал физиологиянинг тиббиёт амалиётида тутган ўрни, организмнинг адаптация ва компенсатор мосланиш реакциялари, нафас органлари тизими ва овқат ҳазм қилиш органлари физиологияси, моддалар ва энергия алмашинуви, юрак қон-томир, лимфа тизими ҳамда асаб тизими физиологияси каби мавзуларда амалий кўникмалар беради.


Дарс номи: УМУМИЙ ПАТОЛОГИЯ
Ажратилган соат: 00 (назарий 00 соат, амалий 00 соат)
Дарснинг мазмуни: Умумий патология фани талабаларга типик патологик жараёнлар ва турли касалликларнинг ривожланишидаги умумий конуниятларни ўргатишга мулжалланган. Бу дарсда типик патологик жараёнлар ва уларнинг оқибатлари, касаллик этиологияси, патогенези, организмга ташқи ва ички муҳит омиллари, зарарли одатлар таъсири, касаллик даврлари ва оқибатлари, унинг олдини олиш чора-тадбирлари, моддалар алмашинувининг бузилишлари, имунопатологик жараёнлар, яллиғланишлар, иситма, сув-туз алмашинувининг бузилишлари, ўсмалар патафизиологияси ва морфологияси каби мавзулар ёритиб берилади.