Di- affiksining qo’llanishi

Maqsad va vazifalari. Boshqa tillarga nisbatan malay tilida fe’llarni yasash turli xildir. Malay tilida ham xuddi o’zbek tili singari fe’llar har xil so’z turkumlariga turli qo’shimchalar qo’shish orqali yasaladi. Masalan, bermain- o’ynamoq so’zi. Ushbu kurs ishini bajarish davomida xuddi shunga o’xshash so’zlarni majhul nisbat orqali yasalish usuli, majhul nisbat qo’shimchasining qay tartibda qo’shilish qoidasi va ma’nolarini keng tarizda yoritib berish, o’rganib chiqish asosiy maqsad qilib olindi.
Kurs ishining tuzilishi. Kirish, asosiy qism, xulosa va foydalanilgan adabiyotlardan iborat. Kirish qismi esa mavzuning dolzarbligi, o’rganilganlik darajasi, maqsad va vazifalari, tuzilishi (strukturasi)dan tashkil topgan.

Majhul nisbat yasovchi qo’shimchalar va ularning qo’llanilishi
Avvalambor, qo’shimchalarni o’rganishdan oldin Fe’l so’z turkumi haqida bilib olishimiz zarur. Fe’l o’zi nima? Fe’l o’zbek tilida mustaqil so’z turkumi hisoblanadi va xuddi o’zbek tilidagidek malay tilida ham narsa-buyum va predmetning harakatini o’rganib, Nima qilmoq?, Nima bo’lmoq? so’roqlariga javob bo’lib keladi. Malay tilida Fe’l so’z turkumi Kata Kerja deb tarjima qilinadi. Malay tilida fe’llar turli old va ort qo’shimchalar orqali yasaladi. Fe’l yasovchi qo’shimchalar turli xil so’z turkumidagi o’zak so’zlarga qo’shilib fe’l yasashi mumkin. Malay tilida majhul nisbat yasovchi qo’shimchalar ham mavjud bo’lib, bular di- va ter- old qo’shimchalaridir. Ushbu qo’shimchalar o’zak so’zga qo’shilishi natijasida harakat kimdir tomonidan bajarilgan egasi noaniq gapni bildiradi. Di- qo'shimchasi passiv fe'l vazifasini bajaradigan prefiksdir. Yozuvda di- qo`shimchasi undan keyingi o’zak so'z bilan birikib keladi. Masalan:
dimakan – ovqatlantirildi dimasak - pishirildi
dikejar – ta’qib qilindi diminta – so’raldi
dibawa – olib kelindi dibayar – to’landi
dibuang – tashlandi dibuka - ochildi