Deviant xulq-atvor va yoshlar sotsiologiyasi

Vaziyat № 1.  

Tarmoqmi yoki qarmoq 

Qachonlardir  g‘orlardagi  tasvirlar  ko‘rinishidagi  muloqot  bilan 

cheklangan odamzod bugun o‘z kashfiyoti oldida ojiz qoldi. «Insoniyat ongi va 

tafakkurining  kuchi  bilan  shu  kungacha  kashf  etib  kelingan  barcha  narsalar  – 

samolyot,  televizor,  boringki,  robotlar  ham  fantastik  asarlarda,  xayolparast 

olimlarning tasavvurlarida uchar gilam, oynai jahon yoki temir odamlar sifatida 

namoyon  bo‘lgan.  Ammo  komp‘yuter  kashf  etilgach,  jahon  sahnasini 

allaqanday  xavotirli  sukunat  qamrab  oldi.  Eng  buyuk  olimlarning  tadqiqotlari, 

qisqa  axborotlar,  hayotimiz  aks  etgan  sur‘atlar,  orzu-intilishlarimiz  –  hamma-

hammasini  mana  shu  temir  quti  ichiga  joylashtirish  mumkin.  Hatto  ba‘zi 

olimlar tomonidan bashorat qilingan texnikaning insoniyat ustidan hukmronlik 

qilish davri etib keldimikan degan xayolga boraman», – deydi psixolog Feruza 

Alimova.  

Internetning  salbiy  va  ijobiy  xususiyatlari  to‘g‘risida  bahs  yurituvchilar 

ikkita katta guruhga bo‘linib, o‘z fikrining tasdig‘i uchun qanchalik ko‘p dalil 

keltirmasin,  bu  haqda  aniq  bir  fikrni  aytish  qiyin.  Odamlar  ushbu  elektron 

OAVdan qanday maqsadda foydalanyapti? Hamma muammo shunda. 

«O‘rgimchak to‘ri»ni faqat axborot manbai sifatida biladigan katta avlod 

uchun bu gaplar mubolag‘adek ko‘rinishi mumkin. Biroq chat orqali o‘ziga xos 

tarzda salomlashish maqsadida hosil qilingan «slm», «sava», «kaleyka» so‘zlari 

bilan nutqimizni «boyitayotgan», «a» harfi o‘rniga @ belgisidan foydalanishni 

afzal biladigan yoshlar ham ko‘payib borayotgani mubolag‘a emas. 

 

---

[- 29 -]