Denov tadbirkorlik va pedagogika instituti tadbirkorlik va boshqaruv fakulteti xalmuratov m. A

UMURTQA OLDI MUSKULLARI Bo’yinning uzun muskuli (m. longus colli) - pastki uchta bo’yin va yuqorigi uchta ko’krak umurtqalari tanalarining yon yuzasidan va umurtqalararo tog’aydan, II-VI bo’yin umurtqalari ko’ndalang o’siqlarining oldingi do’mboqchalaridan boshlanib, II-IV bo’yin umurtqalari tanalarining yon yuzasiga, V-VI bo’yin umurtqalari ko’ndalang o’siqlarining old do’mboqchalari ning tanasiga va atlantning old do’mbog’iga yopishadi. Bu muskul umurtqa pog’onasining old yuzasini egallab yotadi, uzun yassi tasma shakliga ega. Old tomondan halqum va qizilo’ngach bilan yopilib turadi, yuqori bo’lagi esa boshning uzun muskuli bilan yopilib turadi. Bu muskul umurtqa pog’onasining bo’yin qismini yon tomonga bukadi, ikki tomondan baravar qisqarsa, bo’yinni oldingi bukadi. U CI-CVI lar orqali innervasiya qilinadi.
BOSh MUSKULLARI Bosh muskullari ikki guruhga - mimika muskullari va chaynov muskullariga bo’linadi.
MIMIKA MUSKULLARI Mimika muskullarining o’zi bosh mimika muskullari va yuz mimika muskullariga bo’linadi. Boshning mimika muskullari. Ensa-peshona muskuli (m. occipitofontalis). Bu muskul serbar va yupqa bo’lib, pishiq fibroz plastinkadan iborat qismi kallani ust tomondan yopib yotadi. Ensa-peshona muskulining go’shtdor qismi ensada va peshonada joylashgan bo’lib, fibroz payi kallaning tepasida joylashgan. Galea apaneurotica deb shunga aytiladi, u pishiq fibroz plastinkaga o’xshaydi, chakkaga tomon yupqalasha boradi. Ensa-peshona muskuli teriga mustahkam yopishgan bo’lib, suyak usti pardasiga bo’sh birikkan. Shuning uchun ham muskulning go’shtdor qismlari qisqarganda bosh terisi (soch) oldinga va orqaga tortiladi. Ayni vaqtda Gala apaneurotica osh terisi bilan birga kalla suyagi ustida sirg’aladi. Ensa - peshona muskulining orqa go’shtdor qismi venter occipitalis - linea nuchae superior dan boshlanib, kalla tepasi (gala apaneurotica) ga o’tib ketadi va aponevrozni orqaga tortadi. Old qismi (venter frontalis) qosh terisidan boshlanib, gala aponeurotica ga o’tib ketadi. shuning uchun ham old qismi qisqarsa, qoshni ko’tradi.