Denov tadbirkorlik va pedagogika instituti tadbirkorlik va boshqaruv fakulteti xalmuratov m. A

KATTA JINSIY LABLAR Chov va qov sohalari, shuningdek ikki sonning ichki (medial) tomonini qoplangan teri tanosil sohasiga kelganda ikkita tikka katta burma hosil qiladi. Ana shu teri burmalari katta jinsiy lablar - labia pudenda majora deb ataladi, uning uzunligi 7-8 sm, eni 2-3 sm dir. Teri burmalari ichida biriktiruvchi to’qima va yog’ to’qimalari (g’ovak tana) ko’p bo’ladi. Lablar oldingi hamda orqa tomonda bir-biri bilan burchak hosil qilib qo’shiladi. Oldingi qo’shilma commissura labiorum anterior keng va qalin bo’lib, yuqoriga (simfizga) tomon qalinlashib boradi va shu sohada qov do’mbog’i - mons pubis ni hosil qiladi, orqa qo’shilma - commissura labiorum posterior anchagina yupqa va ko’pincha yarim to’garak shaklida bo’ladi.
KICHIK JINSIY LABLAR Kichik jinsiy lablar - labia pudenda minora katta jinsiy lablarning ichki tomonida joylashadi va ulardan kichik lab egati -sulcus hympholabialis vositasida ajraladi. Kichik jinsiy lablar ham kattalari singari sagittal sathda joylashagan. Kichik jinsiy lablar teri burmasi hisoblanadi, ularning erkin chetlari pastga qarab buralib turadi. Binobarin, unda ichki (medial) va tashqi (lateral) yuzalar tafovut qilinadi. Har ikki labning ichki yuzalari bir-biriga tegib turadi. Tashqi tomondan kichik lablar xuddi shilliq parda burmasiga o’xshab ko’rinadi, chunki ular birmuncha qizg’ish rangda bo’ladi.
Mavzuni mustahkamlash uchun tavsiya etilgan savollar:
1. Ovqat hazm qilish a’zolarining umumiy tuzilishi va ahamiyati.
2. Og’iz bo’shlig’i va uning a’zolari.
3. Ovqat hazm qilish sistemasining o’rta ichakdan rivojlanuvchi a’zolari.
4. Ovqat hazm qilish nayining orqa qismidan rivojlanuvchi a’zolari.
5. Nafas olish nayining kirish qismi a’zolari.
6. Hiqildoq, kekirdak, bronxa, bronxiolalar, o’pka va alveolalarni tuzilishi va nafas olish jarayoni.
7. Buyrakning tuzilishi va siydik ajratish jarayoni.
8. Erkak va ayollarning tashqi va ichki jinsiy a’zolari, ularning tuzilishi.
9. Erkak va ayollarning jinsiy bezlari.