Denov tadbirkorlik va pedagogika instituti tadbirkorlik va boshqaruv fakulteti xalmuratov m. A

KO’KRAK QAFASINING AUTOXTON MUSKULLARI Tashqi qovurg’alararo muskullar (m.intercostales externi) - yuqoridagi qovurg’aning tashqi pastki chetidan boshlanib pastdagi qovurg’aning yuqori chetiga yopishadi. Tashqi qovurg’alararo muskullarining tolalari yuqoridan pastga va orqadan oldinga yo’nalgan bo’lib, qovurg’aning suyak qismida (umurtqadan to tog’ay qismigacha) muskul tolalaridan iborat bo’lsa, tog’ay qismida fibroz to’qimadan tuzilganki, membrana intercostalis externi deb ana shunga aytiladi. Ichki qovurg’alararo muskullar m.interocostales interni pastki qovurg’aning ustki chetidan boshlanib, ustki qovurg’aning ostki chetining ichkari labiga yopishadi. Ichki qovurg’alararo muskullar yuqoridagi muskulning ostida joylashgan bo’lib, unga nisbatan muskul tolalari teskari, ya’ni pastdan yuqoriga va oldindan orqaga yo’nalgan. Bu muskullarning tashqi qovurg’alararo muskuldan yana bitta farqi shundanki, uning tolalari qovurg’alarning tog’ay qismlari orasida ham davom etadi. Qovurg’alarning tog’ay qismlari orasida tortilgan qismi membrana interni deyiladi. M.m.intercostales interni orqa tomonda faqat qovurg’aning burchaklarigacha davom etadi xolos. Qovurg’a burchagidan qovurg’a boshigacha bu muskul o’rnida membrana intercostalis interni bor. Bu muskullar n.n.intercostales orqali innervasiya qilinib, a.a.intercostales, a.thoracica interna lar orqali qon bilan ta’minlanadi. Qovurg’a osti muskullari - m subcostales juda nozik muskul tolalaridan tashkil topgan bo’lib, pastki qovurg’alar umurtqaga qaragan uchlarining ichki tomoniga joylashgan. qovurg’a osti muskulining boshlanishi, yopishishi va tolalarining yo’nalishi ichki qovurg’alararo muskullardagiga o’xshaydi. Lekin qovurg’a osti muskuli pastki qovurg’alarning ustki chetidan boshlanib, yuqori qovurg’alarning pastki chetiga 1-2 ta qovurg’a tashlab birikadi.
QORIN MUSKULLARI Qorin (abdomen) ko’krak qafasining pastki qirg’og’i teshigi bilan chanoq (pelvis) ning ustki qirg’ogi orasida joylashgan soha bo’lib, bu yerdagi muskullar qorin bo’shlig’i (cavum abdominale) ni chegaralab, qorin devorini hosil qiladi. Qorin devorini hosil qiluvchi muskullarni oldingi lateral, oldingi va orqa guruhlarga bo’lish mumkin.