Denov tadbirkorlik va pedagogika instituti tadbirkorlik va boshqaruv fakulteti xalmuratov m. A

Miokard – yurak devorining asosiy qismi bo’lib alohida ko’ndalang targ’il muskul tolalaridan tuzilgan.
Endokard - yurak muskul qavatining ichki yuzasini qoplab turgan yupqa parda.
Solishtirma anatomiya - odam organizmining hayvonlar organizmidan tubdan farq qilishi odamning evolyutsion taraqiyoti qonunlari - filogenezga taqqoslangan holda odam holatiga o`tish jarayoni antropogenizni o`rganadi.
Embriologiya – odam organizming paydo bo`lishini tugilguncha ona qornida o`sib rivojlanib borishini o`rganadi.
Yoshga doir anatomiya – tug`ilgandan boshlab to hayotining oxirigacha bo`lgan davrda organizm tuzilishidagi tofovutlarni o`rganadi.
Antropologiya – organizm shakllanishi, rivojlanishiga odamlar yashab turgan muhitning iqlimiy – geografik sharoiti, ijtimoiy va biologik omillarning ta‘sirlarini o`rganadi.
Funksional anatomiya – a‘zolarning tuzilishi ularning vazifalariga bog`liq holda shakllanib borishini o`rganadi.
Fiziologiya – organizm a‘zolar tizimi, a‘zolarni, shuningdek, to`qima va hujayralarning hayotiy faoliyatini o`rganadi.
Gistologiya – a‘zolarni tashkil qilgan to`qimalarni o`rganadi.
Patologik anatomiya- a‘zolarning kasallik holatidagi o`zgarishlarni o`rganadi.
Sistematik anatomiya- bir-qancha bo`limdan iboratdir. U organizmning har-xil sistemalarini o`rganadi, masalan, suyaklarni osteologiya, bo`g`imlarni sindesmologiya, muskullarni miologiya, ichki a‘zolarni splanxologiya, qon tomirlar tuzulishini angiologiya, ichki sekretsiya bezlarini endokrinologiya, sezgi a‘zolarini esteziologiya, nerv tizimini nevralogiya bo`limlari o`rganadi.
Topografik anatomiya- a‘zolarning tuzulishi shaklidan tashqari ularning uzaro munosabatlarini, chegarasini va proeksiyalarini o`rganadi

4. 
   TAQDIMOTLAR, MUSTAQIL ISHLAR MATERIALLRI
   

Mustaqil ta’lim tashkil etishning shakli va mazmuni
“Odam anatomiyasi va gistologiya” fani bo’yicha talabaning mustaqil ta’limi shu fanni o’rganish jarayonining tarkibiy qismi bo’lib, uslubiy va axborot resurslari bilan to’la ta’minlangan. Talabalar auditoriya mashg’ulotlarida professor-o’qituvchilarning ma’ruzasini tinglaydilar, amaliy ishlarni amalga oshiradilar. Auditoriyadan tashqarida talaba darslarga tayyorlanadi, adabiyotlarni konspekt qiladi, uy vazifa sifatida berilgan tajribalar va masalalarni yechadi. Bundan tashqari ayrim mavzularni kengroq o’rganish maqsadida qo’shimcha adabiyotlarni o’qib referatlar tayyorlaydi hamda mavzu bo’yicha testlar yechadi. Mustaqil ta’lim natijalari reyting tizimi asosida baholanadi.
Uyga vazifalarni bajarish, qo’shimcha darslik va adabiyotlardan yangi bilimlarni mustaqil o’rganish, kerakli ma’lumotlarni izlash va ularni topish yo’llarini aniqlash, internet tarmoqlaridan foydalanib ma’lumotlar to’plash va ilmiy izlanishlar olib borish, ilmiy to’garak doirasida yoki mustaqil ravishda ilmiy manbalardan foydalanib ilmiy maqola va ma’ruzalar tayyorlash kabilar talabalarning darsda olgan bilimlarini chuqurlashtiradi, ularning mustaqil fikrlash va ijodiy qobiliyatini rivojlantiradi. Shuning uchun ham mustaqil ta’limsiz o’quv faoliyati samarali bo’lishi mumkin emas.
Uy vazifalarini tekshirish va baholash amaliy mashg’ulot olib boruvchi o’qituvchi tomonidan, konspektlarni va mavzuni o’zlashtirish darajasini tekshirish va baholash esa ma’ruza darslarini olib boruvchi o’qituvchi tomonidan har darsda amalga oshiriladi.
“Odam anatomiyasi va gistologiya” fanidan mustaqil ish majmuasi fanning barcha mavzularini qamrab olgan va 13 ta katta mavzu ko’rinishida shakllantirilgan.
1. Kirish. Odam anatomiyasi va antropologiya asoslari fanining maqsadi va vazifalari. Fanining qisqacha rivojlanish tarixi.
2. Skelet va uning boylamlari haqida ta’limot. Umurtqa pog’onasi suyaklari
3. Qo’lning erkin turgan bo’limidagi suyaklar
4. Oyoqning erkin turgan bo’limidagi suyaklar. Oyoq kamari suyaklari va ularning birikishi
5. Bosh skeleti. Kalla suyaklari: kallaning ensa, peshona, tepa, chakka, ponasimon va g’alvirsimon suyaklari
6. Kallaning yuz suyaklari
7. Muskullar: gavdaning yuza va chuqur joylashgan muskullari bosh, bo’yin va yuz (mimika) muskullari
8. Ovqat hazm qilish a’zolari
9. Nafas olish sistemasi.
10. Siydik va tanosil a’zolari
11. Tomirlar sistemasi haqida ta’limot. Arteriya, vena va kapilyarlarning tuzilishi. Qon aylanish doiralari.
12. Nerv tizimi. Nerv sistemasi haqida ta’limot.
13. Eshitish, ko’rish va sezgi a’zolari