Delphi dasturiy vostasi-bu Windows uchun mo’ljallangan dasturlash mu

KIRISH
DELPHI dasturiy vostasi-bu Windows uchun mo’ljallangan dasturlash muhiti bo’lib, 1995 yilda BORLAND kompaniyasi guruhi dasturchilari Chak (Chuck) va Denni (Danny) tomonidan yaratilgan. Bu til o’zining keng qamrovli imkoniyatlariga egaligi bilan birga, boshqa dasturlash tillaridan o’zining ba`zi bir xususiyatlari bilan ajralib turadi. Borland Delphining paydo bo’lishi dasturlash texnologiyalari tarixida yorqin ko’rinish bo’ldi.
Delphining dunyoga kelishiga quyidagilar sabab bo’ldi:

• 
  Windows uchun dastulash va komponentalar texnologiyasi;
  
• 
  Masalalarni yechish uchun ob`ektga yo’naltirilgan usul;
  
• 
  Komponentalar texnologiyasiga asoslangan ilovalarni tez yaratishning vizual muhitlari;
  
• 
  Interpritatsiyadan emas, kompilyatsiyadan foydalanish. Bu shundan iboratki, interpretator bilan ishlashga qaraganda kompilyator bilan ishlash tezligi o’n martalab ustunlikka ega bo’ladi;
  
• 
  Universal usullar yordamida ma`lumotlar bazasi bilan ishlash imkoniyatlarining mavjudligi;
  
• 
  Lokal va shu bilan bir qatorda server ma`lumotlari faylidan mijoz-server arxitekturasiga yoki ko’p bosqichli N-tier sxemasiga o’tishni ta`minlash.
  

Borland Delphi yuqorida bayon etilgan tendensiyalarni joriy etish maqsadida yaratilgan. Ammo, uning asosi Paskal tili hisoblanadi. Hozirgi kunda Delphi tili bo`yicha bir necha muhitlar yaratilgan.
Ushbu bitiruv malakaviy ishi Delphi visual dasturlash muhiti va unda ishlash asoslarini o`rganish usullariga bag`ishlangan bo`lib, Borland Delphi uskunaviy dasturi interfeysi, elementlari, oyna strukturasi, dastur loyihasi, sinflar va ob’ektlar, visual komponentalar, hodisa va uning xossalari, shuningdek, Delphi muhitida ishlash uchun zarur bo`lgan asosiy tushunchalar o`rganildi. Muloqat oynalarini tashkil qilish va boshqa amallar mohiyati aniq misollar asosida ochib berildi.
Bitiruv malakaviy ishi kirish, ikkita bob, xulosa va foydalanilgan adabiyotlar ro`yxatidan iborat bo`lib, I-bobda Delphi dasturlash muhiti haqida umumiy ma’lumotlar, asosiy elementlar va ulardan foydalanish usullari, ikkinchi bobda esa qaralayotgan dasturlash tilining grafik komponentalari yoritilgan.