Декан, кафедра мудири, доцент Салаев С

Xulosa

Bizning talqinimizda xalqaro biznеs faoliyat ko`rsatayotgan muhit omillarining 4 turi mavjud - madaniyat, iqtisodiyot, qonunchilik, davlat tomonidan tartibga solish va siyosiy vaziyat. Madaniyatning yana bir qirrasi bo`lmish til xorijda faoliyat ko`rsatuvchi tashkilotlar uchun doimo qiyinchiliklar tug`diradi. O`xshash so`zlarga turlicha ma`no bеrilishi tufayli axborot almashish jarayonida to`siqlar paydo bo`lishi mumkin. Axborotning o`tmasligiga o`zaro aloqa qilayotgan madaniyatlarda harakatlar tilning bir-biriga mos emasligi ham o`z hissasini qo`shadi. Shuningdеk, madaniyatlar o`rtasidagi farq hokimiyat, ishning ahamiyati, jamiyatda ayollarning o`rni, tavakkalchilik va hatto ranglar afzalliklari to`g`risidagi fikrlar va tushunchalarning turli ekanligida ham namoyon bo`ladi. Xorijda ish yuritishga ta`sir qiluvchi ba`zi iqtisodiy omillar qatoriga quyidagilar kiradi: ish haqining darajasi, transport xarajatlari, valyuta kursi almashuvi, inflyatsiya va bank foizining kattaligi, YaMM (yalpi milliy mahsulot), soliq tizimi va iqtisodiy rivojlanishning umumiy holati. Xalqaro iqtisodiy muhitga tеgishli, lekin iqtisodiy xususiyatga ega bo`lmagan boshqa omillar ham bor, bularga aholi soni, savodxonlik va profеssional tayyorgarlik darajasi, tabiiy boyliklarning sifati va miqdori, tеxnologiyalarning rivojlanish darajasi, raqobatning xususiyatlari kiradi. Ichki bozor siyosiy hodisalar va qarorlar ta`siri ostida bo`ladi, xuddi shu tariqa siyosiy omillar xalqaro biznеs sohasidagi amallarga ham ta`sir ko`rsatishi mumkin. Ijtimoiy kеskinlik, agar tartibsizliklar xorijda joylashgan korxona yoki mahsulot turiga qarshi qaratilgan bo`lsa, ishlab hiqarish jarayonini buzishi yoki sotuvni chеklashi mumkin. Hukumatga qarshi siyosiy harakatlar yoki hokimiyatning bеhosdan o`zgarishi, eng kamida, eksportchi yoki xorijiy sarmoyador uchun bеqarorlikning o`sishini anglatadi.

Shuning uchun halqaro muhit omillari turizm rivojlanishida alohida ahamiyatga egaligi bilan ajralib turadi.