Декабрь 2020 10-қисм

Декабрь  2020  10-қисм
Тошкент
BOSHLANGʻICH TA’LIMDA DARSDAN TASHQARI MASHGʻULOTLARINING 
KOMPETENSIYAVIY YONDASHUV ASOSIDA TASHKIL QILISH
Karimova Sojida Sanoqulovna
Toshkent viloyati Angren shahar
24-umumta’lim maktabi 
Boshlangʻich sinf oʻqituvchisi
[phone]
Annotatsiya:  ushbu  maqolada  boshlangʻich  sinf  oʻquvchilarini  oʻqitishda  darsdan  tashqari 
mashgʻulotlarning  kompetensiyaviy  yondashuv  asosida  tashkil  qilishga  doir  fikr-mulohazalar 
berilgan. 
Kalit soʻzlari: boshlangʻich ta’lim, darsdan tashqari mashgʻulotlar, kompetensiya.
Mamlakatimizda yosh avlodni har tomonlama yetuk va barkamol etib tarbiyalashga alohida 
e’tibor qaratilgan. Bu mustaqilligimizning dastlabki yillaridanoq maktab ta’limini rivojlantirishga, 
farzandlarimizning  har  tomonlama  bilimli,  salohiyatli  bo‘lib  kamol  topishlarini  ta’minlashga 
yo‘naltirilgan qonunlar, farmon qarorlarda ham o‘z ifodasini topgan.
Bugungi  kunda  xalq  ta’limi  vazirligi  tomonidan  umumta’lim  maktablarida  ta’lim  sifatini 
oshirish, sinfdan va darsdan tashqari mashg‘ulotlarni tashkil qilish, ma’naviy-ma’rifiy, madaniy 
tadbirlar  samaradorligini  oshirish,  o‘quvchilarning  bo‘sh  vaqtlaridan  unumli  foydalanishga 
qaratilgan  bir  qator  chora-tadbirlar  amalga  oshirilmoqda.  Buning  natijasi  o‘laroq  yurtimizdagi 
mavjud  barcha  umumta’lim  maktablarida  sinfdan  va  darsdan  tashqari  fan  to‘garaklari,  sport 
seksiyalari faoliyat ko‘rsatayapti.
Har bir ta’lim muassasasida fanlar bo‘yicha darsdan tashqari qo‘shimcha mashg‘ulotlar jadvali 
ishlab  chiqilgan  bo‘lib,  shu  asosda  mashg‘ulotlar  muntazamligi  ta’minlanmoqda.  Bu  borada, 
albatta,  ta’limning  poydevori  sanalgan  boshlang‘ich  ta’lim  rivojiga  alohida  e’tibor  qaratish 
maqsadga muvofiqdir.